షుగర్ వ్యాధిగ్రస్తులకు ఆ వ్యాధి వచ్చిన కొత్తల్లోనే మెట్ ఫార్మిన్ అనే మందుతో ట్రీట్ మెంట్ ఇచ్చినట్లయితే అది పూర్తిగా తగ్గిపోయేటందకు అవకాశాలు అధికంగా వున్నాయని ఒక తాజా పరిశోధన తేల్చింది. మెట్ ఫార్మిన్ మందు చాలా తక్కువ ఖరీదుగల జనరిక్ డ్రగ్. ఈ మందు బ్లడ్ షుగర్ అధిక స్ధాయిలో వుండి ప్రమాదం అంచున వున్న వారికి ఎంతో సహకరిస్తుంది. డయాబెటీస్ నిర్ధారణ అయిన మూడు నెలలోపు దీనికి వాడితే మంచి ఫలితాలు కనబడ్డాయని వైద్యులు చెపుతున్నారు.
రోగులు డయాబెటీస్ వచ్చిన వెంటనే దీనిని ఉపయోగించాలని, ఆ సమయంలో ఈ మందు సమర్ధవంతంగా పనిచేస్తుందని చెపుతున్నారు. వెంటనే వాడితే శరీరానికి గల నియంత్రించే సామర్ధ్యాన్ని పునరుద్ధరించి షుగర్ కారణంగా వచ్చే గుండె జబ్బులు, కిడ్నీ విఫలతలు, అంధ‌త్వం వంటివి కూడా భవిష్యత్తులో రాకుండా చేయగలదని పరిశోధకులు చెపుతున్నారు.
ది కైజర్ పర్మనెంటె అనే ఈ పరిశోధనలో మెడిసిన్ వాస్తవ ఉపయోగంలో గల నష్టాలను కూడా పరిశీలించారు. ఈ పరిశోధనా వివరాలను అమెరికన్ డయాబెటీస్ అసోసియేషన్ జర్నల్ అయిన డయాబెటీస్ కేర్ అనే మేగజైన్ లో ప్రచురించారు.
