Eagle : ప‌క్షుల్లో గ‌ద్ద‌కు ఒక ప్ర‌త్యేక స్థానం ఉంటుంద‌ని చెప్ప‌వ‌చ్చు. ప‌క్షి రాజుగా పేరు గాంచిన గ‌ద్ద జీవితం మిగితా ప‌క్షుల కంటే చాలా విభిన్నంగా ఉంటుంది. గ‌ద్ద త‌న దృష్టికి ఉన్న శ‌క్తితో మేఘాలపై నుండి కూడా భూమిపై త‌న ల‌క్ష్యాన్ని చూడ‌గ‌ల‌దు. అంత‌టి శ‌క్తి గ‌ద్ద చూపుకు ఉంటుంది. వివిధ ర‌కాల ఆకారాల్లో చాలా చురుకుగా గ‌ద్ద ఆకాశంలో ఎగురుతుంది. గ‌ద్ద గురించి మ‌నం చెప్పుకోవ‌ల‌సిన మ‌రో ముఖ్య‌మైన విష‌యం కూడా ఉంది. అదే గ‌ద్ద పునర్జన్మ. గ‌ద్ద‌కు పునర్జన్మ ఏంటి అని మ‌న‌లో చాలా మందికి సందేహం క‌లుగుతుంది. గ‌ద్ద పునర్జన్మ గురించి తెలుసుకోవాలంటే గ‌ద్ద జ‌న్మ రహస్యం గురించి తెలుసుకోవాల్సిందే.
గ‌ద్ద సుమారు 70 సంవ‌త్స‌రాల వ‌ర‌కు జీవించ‌గ‌ల‌దు. గ‌ద్ద‌కు 30 నుండి 40 సంవ‌త్స‌రాల వ‌య‌సు రాగానే అది క్రమంగా బ‌ల‌హీన ప‌డ‌డం మొద‌ల‌వుతుంది. ఈ స‌మ‌యంలోనే గ‌ద్ద పంజాలు బ‌ల‌హీన ప‌డి వేటాడ‌డానికి స‌హ‌క‌రించ‌వు. ముక్కు బాగా పెరిగిపోయి ఆహారం తీసుకోవ‌డానికి ఇబ్బంది అవుతుంది. రెక్క‌లు బాగా పెరిగి స‌రిగ్గా ఎగ‌ర‌లేదు. ఇలాంటి విప‌త్క‌ర స‌మ‌యంలో గ‌ద్ద ముందు రెండే దారులు ఉంటాయి. ఇలాంటి ప‌రిస్థితుల‌ను ఎదుర్కొంటూ ఇదే శ‌రీరంతో ఆహారం లేక మ‌ర‌ణించ‌డ‌మా.. లేక కొత్త జీవితాన్ని ప్రారంభించ‌డ‌మా.. కానీ గ‌ద్ద మాత్రం రెండో దారిని ఎంచుకుని పునర్జన్మ ఎత్త‌డానికి సిద్ధ‌మ‌వుతుంది.
క‌ఠోర శ్ర‌మ‌తో త‌న‌ను తాను మార్చుకోవ‌డానికి సిద్ద‌మైన గ‌ద్ద ఎత్తైన ప‌ర్వ‌తానికి చేరుకుంటుంది. అక్క‌డ తాత్కాలికంగా నివాసాన్ని ఏర్ప‌రుచుకుంటుంది. ముందుగా ఆహారం తీసుకోవ‌డానికి వీలు లేకుండా పెరిగిన త‌న ముక్కును బండ‌రాయికి పొడుచుకోవ‌డం ప్రారంభిస్తుంది. నొప్పి పెడుతున్న‌ప్ప‌టికీ పెరిగిన ముక్కును అర‌గ‌దీసుకుంటుంది. అలాగే గుబురుగా పెరిగి ఎగ‌ర‌డానికి స‌హ‌క‌రించ‌ని త‌న రెక్క‌ల‌ను ఒక్కొక్క‌టిగా తానే తొల‌గించుకుంటుంది.
ఇక చివ‌ర‌గా త‌న పంజాల‌ను బండ‌రాయికి వేసి కొడుతూ విర‌గ్గొట్టుకుని కొత్త పంజాల కోసం ఎదురు చూస్తుంది. ఇలా 150 రోజుల పాటు శ్ర‌మించిన త‌రువాత గ‌ద్ద కొత్త రెక్క‌ల‌తో, కొత్త ముక్కుతో, కొత్త పంజాతో న‌వ య‌వ్వ‌నంగా నూత‌నోత్తేజంతో కొండ శిఖ‌రంపై ఎగురుతుంది. ఆత్మ విశ్వాసం కోల్పోకుండా ఎలాగైనా బ‌త‌కాల‌నే సంక‌ల్పంతో 5 నెల‌ల పాటు త‌న‌ను తాను కొత్త‌గా మార్చుకున్న గ‌ద్ద మిగ‌తా 30 సంవ‌త్స‌రాల పాటు హాయిగా జీవిస్తుంది.
