క్రికెట్ ఆటగాళ్ళు క్రికెట్ ఆడే సమయంలో ముఖాలపై తెల్లటి పౌడర్ పూసుకోవడం మనందరం చూసే ఉంటాం.. కానీ ఎందుకు పూసుకుంటారు అనే విషయం చాలామందికి తెలియదు..దీనికి కొన్ని ప్రత్యేకమైన కారణాలు ఉన్నాయి.. అవేంటో ఇప్పుడు చూద్దాం.. క్రికెటర్లు ముఖంపై పూసుకునే పౌడర్ ని జింక్ ఆక్సైడ్ అంటారు. ఇది చర్మం పైన ఉండే భౌతిక సన్‌స్క్రీన్, లేదా రిఫ్లెక్టర్ అని పిలుస్తారు. ఇది సూర్యుని యొక్క హానికరమైన uv, uvb కిరణాలు చర్మం నుండి దూరంగా ఉంచడంలో సహాయపడుతుంది. ఆట ఆడే టైంలో 6 గంటలు క్రికెటర్లు నేరుగా సూర్యుడి వేడికి గురవుతారు. కాబట్టి వారు జింక్ ఆక్సైడ్‌ను ఉపయోగిస్తారు. అలాగే టెస్ట్ మ్యాచ్‌లో ఆడే సమయంలో 5 రోజులు ఎండలో ఆడటం అంత సులువైన పని కాదు.
కాబట్టి ఆటగాళ్లు ఆరోగ్యంగా ఉండటం కోసం ఈ జాగ్రత్తలు తప్పనిసరిగా తీసుకోవాల్సి ఉంటుంది. ఎక్కువ సేపు సూర్యరశ్మికి గురి కావడం ప్రమాదకరం, జింక్ ఆక్సైడ్ వంటి ఫిజికల్ సన్‌స్క్రీన్‌తో మీ చర్మాన్ని రక్షించుకోవడం అనేది సురక్షితమైన పద్ధతి. జింక్ క్రీమ్‌లు, తెల్ల రంగులో ఉన్నవి ప్రభావవంతంగా ఉంటాయి. ఎందుకంటే ఈ పౌడర్ యొక్క మందపాటి పూత అన్ని UVA UVB కిరణాలను ఫిల్టర్ చేస్తుంది. చెవి, ముక్కు, రక్షించడానికి ఉపయోగపడుతుంది. సాంప్రదాయ రసాయన సన్‌స్క్రీన్‌లతో పోల్చినప్పుడు జింక్ ఆక్సైడ్ చాలా ప్రయోజనాలను కలిగి ఉంటుంది.
జింక్ ఆక్సైడ్ వెంటనే పని చేస్తుంది.కానీ కొన్ని రసాయన సన్‌స్క్రీన్‌లు ఎండలో బయటికి వెళ్లే ముందు ముఖానికి అప్లై చేసిన తర్వాత 20 నిమిషాలు వేచి ఉండాలని సూచిస్తున్నాయి. ఇది చాలా సున్నితమైన చర్మానికి కూడా తగినంత సున్నితంగా ఉంటుంది. రసాయన సన్‌స్క్రీన్‌లు, మరోవైపు, చర్మానికి ఇబ్బంది కలిగించవచ్చు. జింక్ ఆక్సైడ్ పొడి చర్మానికి చికాకు ఇతర ఇబ్బందుల నుంచి కాపాడుతుంది. అందుకే క్రికెటర్స్ ముఖానికి ఈ పౌడర్ రాసుకుంటారు.
