పెస‌ల‌లో యాంటీ ఆక్సిడెంట్లు పుష్క‌లంగా ఉంటాయి. ఇవి మ‌న శ‌రీర రోగ నిరోధ‌క వ్య‌వ‌స్థ ప‌నితీరును మెరుగు ప‌రుస్తాయి. రోగ నిరోధ‌క శ‌క్తిని పెంచుతాయి. దీని వ‌ల్ల మ‌న‌కు వ్యాధులు, ఇన్‌ఫెక్ష‌న్ల నుంచి ర‌క్ష‌ణ ల‌భిస్తుంది. ముఖ్యంగా సీజ‌న్ మారే స‌మ‌యంలో వ‌చ్చే ద‌గ్గు, జులుబు, జ్వ‌రం త‌దిత‌ర వ్యాధుల నుంచి ర‌క్ష‌ణ ల‌భిస్తుంది. పెస‌ల‌ను తిన‌డం వ‌ల్ల మ‌న‌కు క‌లిగే అద్భుత‌మైన ప్ర‌యోజ‌నాల్లో ఇదొక‌టి. పెస‌ల‌ను తింటే ర‌క్తంలో ఉండే చెడు కొలెస్ట్రాల్ తగ్గుతుంది. దీంతో అధిక బ‌రువు త‌గ్గుతారు. గుండె జ‌బ్బులు రాకుండా ఉంటాయి. ఈ విష‌యం సైంటిస్టుల ప‌రిశోధ‌న‌ల్లోనూ వెల్ల‌డైంది.

పెస‌ల్లో పొటాషియం, మెగ్నిషియం పుష్క‌లంగా ఉండ‌డం వ‌ల్ల ర‌క్త స‌ర‌ఫ‌రా మెరుగు ప‌డుతుంది. హైబీపీ త‌గ్గుతుంది. ర‌క్త నాళాల్లో ఏర్ప‌డే అడ్డంకులు తొల‌గిపోతాయి. హార్ట్ స్ట్రోక్స్ రాకుండా ఉంటాయి. డ‌యాబెటిస్ ఉన్న‌వారు పెస‌ల‌ను నిత్యం ఆహారంలో భాగం చేసుకోవాలి. దీంతో షుగ‌ర్ అదుపులోకి వ‌స్తుంది. అలాగే గ‌ర్భిణీలు నిత్యం పెస‌ల‌ను తింటే ఫోలేట్ బాగా అందుతుంది. త‌ద్వారా బిడ్డ ఎదుగుద‌ల స‌రిగ్గా ఉంటుంది.