అధిక బరువు స‌మ‌స్య‌ను ప్ర‌స్తుతం చాలా మంది ఎదుర్కొంటున్నారు. బరువు తగ్గేందుకు అనేక ర‌కాల ప్ర‌య‌త్నాలు చేస్తున్నారు. అయితే కింద తెలిపిన 3 యోగా ఆస‌నాల‌ను రోజూ వేయ‌డం వల్ల అధిక బ‌రువును సుల‌భంగా త‌గ్గించుకోవ‌చ్చు. వాటిని ఎలా వేయాలో ఇప్పుడు తెలుసుకుందాం.
1. నౌకాసనం
ఈ ఆసనం చేయడానికి సౌకర్యవంతమైన స్థితిలో చాప మీద కూర్చోవాలి. ఇప్పుడు మీ చేతులను నేరుగా ముందుకు చాపాలి. మీ కాళ్లను పైకి లేపి వాటిని నేరుగా ఉంచి 45 డిగ్రీల కోణంలో విస్తరించండి. తద్వారా మీ శరీరం పడవ ఆకారం వలె మారుతుంది. మీకు సౌకర్యంగా ఉన్నంత స‌మ‌యం వ‌ర‌కు ఈ భంగిమలో ఉండండి. దీన్ని 10 సార్లు చేయండి.
2. త్రికోణాసనం
ఈ ఆసనం వేయడానికి చాప మీద నిలబడి మీ కాళ్లను విస్తరించండి. ఎడమ వైపుకు వంగి మీ ఎడమ చేత్తో మీ కుడి చేతి పాదాలను పట్టుకోండి. చేయి నిటారుగా ఉండేలా చూసుకోండి. కుడి చేయి నిటారుగా ఉండాలి. మీ మొత్తం భంగిమ త్రిభుజం ఆకారంలో ఉండాలి. కనీసం 30 సెకన్ల పాటు ఈ స్థితిలో ఉండాలి. దీన్ని 10 సార్లు చేయండి.
3. చతురంగ దండాసనం
ఈ భంగిమను ప్లాంక్ పోజ్ అని కూడా అంటారు. ఈ ఆసనం వేయడానికి మీ మోచేతులను చాప మీద ఉంచాలి. మీ శరీరాన్ని నేలకి సమాంతరంగా ఉంచాలి. ఈ స్థితిలో కొంతసేపు ఉండి ఆపై మీ తుంటిని పైకి వంచుతూ దాన్ని తిరిగి అసలు స్థానానికి తీసుకురండి. 10 సార్లు పునరావృతం చేయండి.
ఈ ఆస‌నాల‌ను రోజూ వేయ‌డం వల్ల అధిక బరువు త‌గ్గుతుంది. పొట్ట ద‌గ్గ‌రి కొవ్వు క‌రుగుతుంది.
