Actors Wives Income : సెలబ్రిటీల జీవితాలెప్పుడు గోప్యంగానే ఉంటాయి. వాటిల్లో ముఖ్యంగా హీరోల భార్యలు,వారి కుటుంబాల గురించి. కానీ అదంతా ఒకప్పుడు. కానీ ఇప్పుడు కాలం మారింది. భార్యలు భర్తలతోపాటుగా వారు కూడా వారికి నచ్చిన రంగాల్లో స్థిరపడుతున్నారు. సినీ పరిశ్రమలో హీరోగా సెటిలై మంచి రెమ్యునరేషన్ తీసుకుంటున్న కథానాయకుల భార్యలు భర్త సంపాదన మీద ఆధార పడకుండా స్వతహాగా తమ ఆదాయ మార్గాలను వారు అన్వేషించుకుంటున్నారు.
నేచురల్ స్టార్ నాని భార్య అంజనా బెంగళూరు నిఫ్ట్ లో ఫ్యాషన్ డిజైనర్ గా శిక్షణ తీసుకుంది. పెళ్లి తర్వాత వారికొక బాబు కూడా పుట్టాడు. ఈ మధ్యకాలంలో అంజనా.. రాజమౌళి ఆర్కామీడియాలో జాయిన్ అయింది. క్రియేటివ్ డిపార్ట్ మెంట్ హెడ్ గా పని చేస్తుంది. బాహుబలి సినిమా క్యాస్టూమ్స్ విషయంలో కీలకపాత్ర అంజనాదే. రాజమౌళి, నాని కాంబినేషన్‌లో ఈగ సినిమా వచ్చిన విషయం మనకు తెలిసిందే.
యాంకర్ సుమ సంపాదన గురించి మనకు కొత్తగా చెప్పక్కర్లేదు. ఒకవైపు యాంకరింగ్ తోపాటు నిర్మాణరంగంలో అడుగుపెట్టింది సుమ. యాంకర్ గా ఊపిరి సలపకుండా అన్ని కార్యక్రమాలతో బిజీగా ఉ:డే సుమ సంపాదన మనకు కొత్తేం కాదు. అసలు ఈమె ఎప్పుడు రెస్ట్ తీసుకుంటది అనిపిస్తుంది. సుమ సంపాదన రాజీవ్ సంపాదన కంటే చాలా ఎక్కువ.
ఉపాసన గురించి మనకు తెలియని విషయాలు అంటూ ఏం లేవు. ఎందుకంటే సోషల్ మీడియాలో ఉపాసన ఎప్పటికప్పడు వార్తల్లో ఉంటుంది. అపోలోలో చురుకైన పాత్రతో పాటు సోషల్ యాక్టివిటీస్ లో కూడా పాల్గొంటుంది.
అల్లరి నరేశ్ భార్య విరూప కార్పొరేట్ శుభకార్యాలు చేస్తుంది. అవునండీ విరూప ఈవెంట్ మేనేజర్ గా చేస్తుంది. ఒక్క ఈవెంట్ కే లక్షలు, కోట్లల్లో టారిఫ్ ఉండే వాటిల్లో విరూప సంపాదన అల్లరి నరేశ్ సంపాదన కంటే రెట్టింపు.
స్టైల్‌ స్టార్ అల్లు అర్జున్ భార్య స్నేహారెడ్డి స్పెక్ట్రం అనే మ్యాగజైన్ కి ఛీఫ్ ఎడిటర్ గా పనిచేస్తుంది .విదేశాల్లో చదువుకున్న స్నేహ పెళ్లికి ముందు కూడా తన తండ్రి స్థాపించిన సెయింట్ ఇనిస్టిట్యూట్ బాధ్య‌తలు చూసుకునేది. ఇప్పుడు ఇద్దరు పిల్లల తల్లిగా ఉంటూ ఇటు తల్లి పాత్ర అటు మ్యాగజైన్ ఎడిటర్, మరోవైపు సెయింట్ ఇనిస్టిట్యూట్స్ ని చూసుకుంటుంది.
అందాల రాక్షసి హీరో రాహుల్ రవీంద్రన్ తన భార్య తన కన్నా ఎక్కువ ఇన్ కం ట్యాక్స్ పే చేస్తుందని ఒక ఇంటర్వ్యూలో చెప్పాడు. ఆమె ఎవరో కాదు గాయని చిన్మయి. ఏం మాయ చేశావ్ సినిమాలో సమంత‌కి డబ్బింగ్ చెప్పింది కూడా ఈమెనే.
