Waist Fat : అధిక బ‌రువుతో బాధ‌ప‌డే వారు నేటి త‌రుణంలో అధిక‌మ‌వుతున్నారు. చిన్నా పెద్దా అనే తేడా లేకుండా అందరూ ఈ స‌మ‌స్య బారిన ప‌డుతున్నారు. మారిన జీవ‌న‌విధానం, జంక్ ఫుడ్ ను అధికంగా తీసుకోవ‌డం, త‌గినంత వ్యాయామం చేయ‌క‌పోవ‌డం, శారీర‌క శ్ర‌మ చేయ‌క‌పోవ‌డం, చ‌క్క‌టి జీవ‌న విధానాన్ని పాటించ‌క‌పోవ‌డం వ‌ల్ల అధిక బరువు బారిన ప‌డుతున్నారు. అధిక బరువు కార‌ణంగా షుగ‌ర్, గుండెపోటు, ర‌క్త‌పోటు, కీళ్ల నొప్పులు వంటి అనేక ఇత‌ర అనారోగ్య స‌మ‌స్య‌ల‌ను ఎదుర్కోవాల్సి వ‌స్తుంది. ఇటువంటి అనారోగ్య స‌మస్య‌ల బారిన ప‌డ‌కుండా ఉండాలంటే మ‌నం సాధ్య‌మైనంత త్వ‌ర‌గా బరువు త‌గ్గాలి. బరువు త‌గ్గ‌డానికి అనేక ప్ర‌య‌త్నాలు చేసి విసుగు చెందిన ఈ చిట్కాను పాటించ‌డం వ‌ల్ల చ‌క్క‌టి ఫ‌లితాల‌ను పొంద‌వ‌చ్చు. మ‌న ఇంట్లో ఒక పానీయాన్ని తయారు చేసుకుని తాగ‌డం వ‌ల్ల మ‌నం సులభంగా బరువు తగ్గవచ్చు.
ఈ పానీయాన్ని తయారు చేసుకోవ‌డానికి గానూ ముందుగా ప‌ది మిరియాల‌ను తీసుకుని పొడిలా చేసుకోవాలి. ఈ పానీయాన్ని తయారు చేసుకోవ‌డానికి ఎప్ప‌టిక‌ప్పుడు తయారు చేసుకున్న మిరియాల పొడిని వాడ‌డం వ‌ల్ల మంచి ఫలితం ఉంటుంది. త‌రువాత ఒక గిన్నెలో ఒక గ్లాస్ నీటిని తీసుకోవాలి. దానిలో ముందుగా తయారు చేసుకున్న మిరియాల పొడితో పాటు ఒక ఇంచు దాల్చిన చెక్క ముక్క‌ను కూడా వేయాలి. త‌రువాత ఇందులో అర టీ స్పూన్ ప‌సుపును కూడా వేయాలి. త‌రువాత ఈ గిన్నెను స్ట‌వ్ మీద ఉంచి ఈ నీటిని ప‌ది నిమిషాల పాటు బాగా మ‌రిగించాలి.
త‌రువాత ఒక గ్లాస్ లో క‌చ్చా ప‌చ్చాగా దంచిన మూడు లేదా నాలుగు అల్లం ముక్క‌ల‌ను తీసుకోవాలి. త‌రువాత అందులో మ‌రిగించిన నీటిని వ‌డ‌క‌ట్ట‌కుండా అలాగే పోయాలి. ఈ నీటిని క‌దిలించ‌కుండా గోరు వెచ్చ‌గా అయ్యే వ‌ర‌కు అలాగే ఉంచాలి. గోరు వెచ్చ‌గా అయిన త‌రువాత ఈ నీటిని తాగాలి. అధిక బ‌రువుతో బాధ‌ప‌డే వారు ఈ పానీయాన్ని రోజుకు రెండు సార్లు తాగాలి. 4 నుండి 5 కిలోల బరువు త‌గ్గాల‌నుకునే వారు రోజుకు ఒక్క‌సారి మాత్ర‌మే ఈ నీటిని తాగాలి. ఈ పానీయాన్ని ఏ రోజుకు ఆరోజూ తాజాగా తయారు చేసుకోవాలి. అధిక బ‌రువుతో బాధ‌ప‌డే వారు ఈ పానీయాన్ని రోజూ ఉద‌యం ప‌ర‌గ‌డుపున అలాగే రాత్రి ప‌డుకోవ‌డానికి ఒక గంట ముందు తాగాలి. దీనిని ఈ పానీయాన్ని తాగ‌డానికి అర‌గం ముందు అలాగే తాగిన త‌రువాత అర గంట వ‌ర‌కు ఎలాంటి ఆహారాన్ని తీసుకోకూడ‌దు.
వారం రోజుల పాటు ఈ పానీయాన్నీ క్ర‌మం త‌ప్ప‌కుండా తీసుకోవ‌డం వ‌ల్ల మ‌న బ‌రువులో మార్పు రావ‌డాన్ని గ‌మ‌నించ‌వ‌చ్చు. అలాగే ఈ పానీయాన్నితీసుకున్న‌న్ని రోజులు తీపి ప‌దార్థాల‌కు, జంక్ ఫుడ్ కు దూరంగా ఉండాలి. అదేవిధంగా ఈ పానీయంలో ఉప‌యోగించిన ప‌దార్థాల‌న్నీ కూడా మ‌న‌కు వేడిని క‌లిగించేవే. క‌నుక నీటిని ఎక్కువ‌గా తాగాలి. ఈ పానీయాన్ని తాగ‌డం వ‌ల్ల అధిక బరువు త‌గ్గ‌డంతో పాటు పొట్ట, న‌డుము చుట్టూ పేరుకుపోయిన కొవ్వు కూడా క‌రుగుతుంది. అధిక బ‌రువుతో బాధ‌ప‌డే వారు ఈ చిట్కాను వాడ‌డం వ‌ల్ల చ‌క్క‌టి ఫ‌లితాల‌ను సొంతం చేసుకోవ‌చ్చ‌ని నిపుణులు తెలియ‌జేస్తున్నారు.
