Radhe Shyam Movie Review : రాధేశ్యామ్ మూవీ రివ్యూ..!

Radhe Shyam Movie Review : ప్రేక్ష‌కులంతా ఎంతో ఆస‌క్తిగా ఎదురు చూస్తున్న రాధేశ్యామ్ సినిమా థియేట‌ర్ల‌లో ప్రేక్ష‌కుల ముందుకు వ‌చ్చేసింది. ఈ సినిమా ఇప్ప‌టికే విడుద‌ల కావ‌ల్సి ఉంది. కానీ అనేక కార‌ణాల వ‌ల్ల వాయిదా ప‌డుతూ వ‌చ్చింది. ఎట్ట‌కేల‌కు విడుద‌లైంది. గ‌తంలో ఎన్న‌డూ లేనివిధంగా అద్భుతమైన థ్రిల్ల‌ర్ ల‌వ్ స్టోరీ క‌థాంశంతో ఈ సినిమాను తెర‌కెక్కించారు. ఈ సినిమా నుంచి విడుద‌లైన టీజ‌ర్‌, సాంగ్స్‌, ట్రైల‌ర్ అన్నీ అద్భుతంగా ఉన్నాయి. దీంతో ఈ సినిమాపై ప్రేక్ష‌కుల్లో భారీగా అంచ‌నాలు ఏర్ప‌డ్డాయి. అయితే రాధేశ్యామ్ ఆ అంచ‌నాల‌ను అందుకుందా ? సినిమా ఎలా ఉంది ? అస‌లు క‌థ ఏమిటి ? అన్న వివ‌రాల‌ను ఇప్పుడు తెలుసుకుందాం.

విక్ర‌మాదిత్య (ప్ర‌భాస్‌) హ‌స్త సాముద్రికంలో ఆరితేరిన నిపుణుడు. అత‌ను స‌త్య‌రాజ్ ద‌గ్గ‌ర ఆ విద్య‌ను నేర్చుకుంటాడు. అత‌ను చెప్పిన‌వి చెప్పిన‌ట్లు జ‌రుగుతుంటాయి. త‌రువాత అత‌ను ఇండియా నుంచి విదేశాల‌కు వెళ్తాడు. అక్క‌డ ఓ సంద‌ర్భంలో ప్రేర‌ణ (పూజా హెగ్డె)ను చూసి ప్రేమ‌లో ప‌డ‌తాడు. అయితే అందరి భ‌విష్య‌త్తు ముందుగానే ఊహించి చెప్పే విక్ర‌మాదిత్య.. తాను ప్రేమించిన ప్రేర‌ణ గురించి, త‌న జీవితం గురించి కూడా కొన్ని విష‌యాల‌ను ముందుగానే రాసుకుంటాడు. అయితే ఆ విష‌యాలు ఏమిటి ? వారి జీవితంలో ఎలాంటి ఒడిదుడుకులు ఏర్ప‌డ్డాయి ? చివ‌ర‌కు వారిద్ద‌రూ క‌లుస్తారా ? క‌థ సుఖాంతం అవుతుందా ? విషాద ముగింపు ఉంటుందా ? అన్న వివ‌రాల‌ను తెలుసుకోవాలంటే.. సినిమాను వెండితెర‌పై చూడాల్సిందే.

ఇక న‌టీన‌టుల పెర్ఫార్మెన్స్ విష‌యానికి వ‌స్తే.. ఇందులో అంద‌రూ త‌మ పాత్ర‌ల ప‌రిధుల మేర బాగానే న‌టించారు. ప్ర‌భాస్‌, పూజా హెగ్డెల కెమిస్ట్రీ చాలా బాగుంటుంది. ప్ర‌భాస్ త‌ల్లిగా భాగ్య‌శ్రీ‌, ఒక పాత్ర‌లో జ‌గ‌ప‌తి బాబు బాగానే న‌టించారు. ఇక సినిమాలోని లొకేష‌న్స్ చాలా బాగుంటాయి. అంద‌రూ ఈ సినిమాను ఫారిన్‌లో తీశార‌ని అనుకుంటారు. కానీ కాదు.. మ‌న ద‌గ్గ‌రే 100కు పైగా సెట్స్ వేసి తీశారు. క‌నుక విదేశాల్లో ఉన్న అనుభూతి క‌లుగుతుంది. ఈ విష‌యంలో మేక‌ర్స్ చాలా స‌క్సెస్ సాధించార‌ని చెప్ప‌వ‌చ్చు.

ఇక ఓవరాల్‌గా చూస్తే ఈ సినిమా ల‌వ్ నేపథ్యం ఉన్న మూవీ అయిన‌ప్ప‌టికీ ఇందులో సైన్స్‌, జ్యోతిష్యం వంటి అంశాలను చొప్పించారు. అందువ‌ల్ల సినిమా ఆద్యంతం స‌స్పెన్స్‌గా కొనసాగుతుంది. ఇత‌రుల భ‌విష్య‌త్తును ముందుగానే చెప్పేసే విక్ర‌మాదిత్య భ‌విష్య‌త్తు ఎలా ఉంటుందో ఈ సినిమాలో చ‌క్క‌గా చూపించారు. ఈ పాయింట్ ప్రేక్ష‌కుల‌కు బాగా న‌చ్చుతుంది. మొత్తంగా చెప్పాలంటే.. రాధేశ్యామ్‌తో ప్ర‌భాస్ మ‌ళ్లీ హిట్ కొట్టిన‌ట్లు అనిపిస్తుంది. ఈ సినిమాను థియేట‌ర్ల‌లో ఒక‌సారి చూసి ఎంజాయ్ చేయ‌వ‌చ్చు.