ఆహారం లేకపోయినా మానవుడు మనుగడ సాధించగలడు. కానీ కనీస నిద్ర లేకపోతే జీవించలేడు. అంతేకాదు మేధస్సు మందగిస్తుంది. అందానికి ఆరోగ్యానికి కూడా హాని కలిగిస్తుంది. కనుక నిద్ర అనేది తప్పని సరిగ్గా ఉండాలి. ముఖ్యంగా రోజుకు కనీసం ఆరు గంటల సమయం నిద్ర తప్పని సరిగ్గా ఉండాలి. మారేడు కషాయం రెండు – మూడు స్పూన్ల చొప్పున రోజుకు నాలుగు సార్లు తీసుకుంటే మంచినిద్ర వస్తుంది.
ఆపిల్, జామ, బంగాళదుంప, తోటకూర, క్యారెట్ రసాలను ప్రతిరోజు సాయంత్రం తీసుకుంటే నిద్ర పట్టని వారికి కూడా నిద్ర పడుతుంది. నిద్రలేమితో బాధపడేవారు బెడ్ మీద పడుకునే ముందు కొన్ని నిముషాల వరకూ మౌనంగా వుండి, గాఢమైన ఒక శ్వాసను పీల్చి, ఒకటి రెండు సెకండ్ల పాటు బిగపట్టి వదిలేయండి.
నెమ్మదిగా ఈ పద్దతిని కొన్నిసార్లు రిపీట్ చేస్తే మనసులో ఒక విధమైన ప్రశాంతత కలిగి క్రమంగా నిద్ర వస్తుంది. రాత్రిపూట కడుపు నిండుగా ఆహారం తీసుకున్నట్లైతే నిద్ర బాగా పడుతుంది.
