Andhra Chilli Chicken : మనం చికెన్ తో ర‌క‌ర‌కాల వంట‌కాల‌ను త‌యారు చేస్తూ ఉంటాము. చికెన్ తో చేసే ఏ వంట‌క‌మైనా చాలా రుచిగా ఉంటుంది. చికెన్ తో చేసే రుచిక‌ర‌మైన వంట‌కాల్లో ఆంధ్రా చిల్లీ చికెన్ కూడా ఒక‌టి. ఈ చిల్లీ చికెన్ చాలా రుచిగా ఉంటుంది. రెస్టారెంట్ ల‌లో దీనిని రుచి చూసే ఉంటారు. ఈ ఆంధ్రా చిల్లీ చికెన్ ను మనం కూడా ఇంట్లో చాలా సుల‌భంగా త‌యారు చేసుకోవ‌చ్చు. వంట‌రాని వారు, బ్యాచిల‌ర్స్ కూడా దీనిని తేలిక‌గా త‌యారు చేసుకోవ‌చ్చు. మ‌న ఇంట్లోనే చాలా సుల‌భంగా రుచిక‌ర‌మైన ఆంధ్రా చిల్లీ చికెన్ ను ఎలా త‌యారు చేసుకోవాలో ఇప్పుడు తెలుసుకుందాం.
ఆంధ్రా చిల్లీ చికెన్ త‌యారీకి కావ‌ల్సిన ప‌దార్థాలు..
చికెన్ – అర‌కిలో, నిమ్మ‌ర‌సం – అర చెక్క, ఉప్పు – అర టీ స్పూన్, ప‌చ్చిమిర్చి – 12 నుండి 15, అల్లం – రెండు ఇంచుల ముక్క,వెల్లుల్లి రెబ్బ‌లు – 15, పుదీనా – గుప్పెడు, కొత్తిమీర – గుప్పెడు, జీడిప‌ప్పు – 15, నూనె – 3 టేబుల్ స్పూన్స్, ల‌వంగాలు – 5, యాల‌కులు – 3, దాల్చిన చెక్క – ఒక చిన్న ముక్క, బిర్యానీ ఆకు – 1, చిన్న‌గా త‌రిగిన ఉల్లిపాయ ముక్క‌లు – ఒక క‌ప్పు, క‌రివేపాకు – ఒక రెమ్మ, ప‌సుపు – పావు టీ స్పూన్, ధ‌నియాల పొడి – ఒక టీ స్పూన్, చికెన్ మసాలా -ఒక టేబుల్ స్పూన్, కారం – అర టీ స్పూన్, నీళ్లు – ఒక‌టిన్న‌ర క‌ప్పు, చిన్న‌గా త‌రిగిన ప‌చ్చిమిర్చి – 2, త‌రిగిన కొత్తిమీర – కొద్దిగా.
ఆంధ్రా చిల్లీ చికెన్ త‌యారీ విధానం..
ముందుగా చికెన్ ను శుభ్రంగా క‌డ‌గాలి. త‌రువాత ఉప్పు, నిమ్మ‌ర‌సం వేసి క‌ల‌పాలి. ఇప్పుడు చికెన్ పై మూత పెట్టి గంట పాటు మ్యారినేట్ చేసుకోవాలి. త‌రువాత జార్ లో ప‌చ్చిమిర్చి, అల్లం, వెల్లుల్లి రెబ్బ‌లు, పుదీనా, కొత్తిమీర వేసి పేస్ట్ లాగా చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక జీల‌క‌ర్ర, మసాలా దినుసులు వేసి వేయించాలి. త‌రువాత ఉల్లిపాయ ముక్క‌లు, క‌రివేపాకు వేసి వేయించాలి. ఉల్లిపాయ ముక్క‌లు బాగా వేగిన త‌రువాత చికెన్ ను వేసుకోవాలి. దీనిని రెండు నుండి మూడు నిమిషాల పాటు వేయించిన త‌రువాత ప‌సుపు, ఉప్పు, గ‌రం మసాలా, కారం, ధ‌నియాల పొడి వేసి క‌ల‌పాలి.
త‌రువాత మిక్సీ ప‌ట్టుకున్న పేస్ట్ వేసి క‌ల‌పాలి. దీనిపైమూత పెట్టి 6 నిమిషాల పాటు చికెన్ ను వేయించాలి. త‌రువాత నీళ్లు పోసి క‌ల‌పాలి. దీనిపై మూత పెట్టి చికెన్ మెత్త‌గా అయ్యే వ‌ర‌కు ఉడికించాలి. త‌రువాత కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే ఆంధ్రా చిల్లీ చికెన్ త‌యారవుతుంది. దీనిని అన్నం, చ‌పాతీ, పులావ్ వంటి వాటితో క‌లిపి తింటే చాలా రుచిగా ఉంటుంది. ఈ చికెన్ ను అంద‌రూ లొట్ట‌లేసుకుంటూ ఎంతో ఇష్టంగా తింటారు.
