RRR Movie : ఆర్ఆర్ఆర్ మూవీలో ఎన్‌టీఆర్ పాత్ర నిడివి త‌క్కువా ? అలా చేశారా ?

RRR Movie : ద‌ర్శ‌కుడు రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన చిత్రం.. ఆర్ఆర్ఆర్‌. మ‌రికొన్ని గంట‌ల్లో ప్రేక్ష‌కుల ముందుకు రానుంది. ఈ క్ర‌మంలోనే ఈ సినిమా గురించి ఇప్ప‌టికే అనేక వార్త‌లు సోష‌ల్ మీడియాలో వైర‌ల్ అవుతున్నాయి. ఇక తాజాగా చ‌క్క‌ర్లు కొడుతున్న స‌మాచారం ప్రకారం ఆర్ఆర్ఆర్ సినిమాలో ఆలియా భ‌ట్ పాత్ర నిడివి చాలా త‌క్కువని తెలుస్తోంది. ఆమె కేవ‌లం 15 నిమిషాల పాటు మాత్ర‌మే క‌నిపిస్తుంద‌ట‌.

ఇక ఈ మూవీ గురించి ప్ర‌చారం అవుతున్న ఇంకో వార్త ఏమిటంటే.. ఆర్ఆర్ఆర్ సినిమాలో రామ్ చ‌ర‌ణ్ సినిమా మొత్తం క‌నిపిస్తార‌ని.. కానీ ఎన్టీఆర్ మాత్రం త‌క్కువ‌గా క‌నిపిస్తార‌ని తెలుస్తోంది. అంటే రామ్ చ‌ర‌ణ్ పాత్ర ఫుల్ లెంగ్త్ రోల్ అని.. ఎన్టీఆర్ పాత్ర నిడివి కాస్త త‌క్కువ‌గానే ఉంటుంద‌ని అంటున్నారు.

అయితే ఇద్ద‌రు హీరోల‌కు సంబంధించి పాత్ర‌ల ర‌న్‌టైమ్ ఒకేలా ఉండాలి. ఏ ఒక్క‌రి నిడివి త‌గ్గినా ఫ్యాన్స్ ఊరుకోరు. ఈ క్ర‌మంలోనే ఎన్‌టీఆర్ పాత్ర నిడివిని త‌గ్గించేశారా.. అన్న అనుమానాలు క‌లుగుతున్నాయి. అదే జ‌రిగితే ఎన్‌టీఆర్ ఫ్యాన్స్ ఏమాత్రం వెన‌క్కి త‌గ్గ‌రు. తీవ్ర ఆగ్ర‌హం వ్య‌క్తం చేస్తారు. మ‌రి సినిమాలో నిజంగానే ఇద్ద‌రి పాత్ర‌ల నిడివి ఒకేలా ఉంటుందా.. లేదా.. అన్న‌ది చూడాలి.