Hair Problems : జుట్టు సంబంధిత స‌మ‌స్య‌ల‌తో బాధ‌ప‌డే వారి సంఖ్య ప్ర‌స్తుత కాలంలో ఎక్కువ‌వుతోంది. పూర్వ‌కాలంలో వృద్ధుల్లో మాత్ర‌మే మనం జుట్టు సంబంధిత సమస్యలను చూసే వాళ్లం. చిన్నా, పెద్దా అనే తేడా లేకుండా ప్ర‌స్తుత తరుణంలో ఈ స‌మ‌స్య‌ల‌తో చాలా మంది బాధ‌ప‌డుతున్నారు. జుట్టు తెల్లబ‌డ‌డం, జుట్టు రాల‌డం, చుండ్రు, జుట్టు చిట్ల‌డం వంటి సమస్యలను మనం జుట్టు సంబంధిత స‌మ‌స్య‌లుగా చెప్పుకోవ‌చ్చు. జుట్టు సంబంధిత సమస్యలను త‌గ్గించుకుని జుట్టును అందంగా, ఆరోగ్యంగా ఉంచుకోవాల‌ని ప్ర‌తి ఒక్క‌రూ కోరుకుంటారు.
కానీ వాతావ‌ర‌ణ కాలుష్యం, మారుతున్న జీవ‌న విధానం, పోష‌కాహార లోపం వంటి కార‌ణాల వ‌ల్ల జుట్టు రాల‌డంతోపాటు జుట్టు అంద‌విహీనంగా త‌యార‌వుతోంది. జుట్టు సమస్యలను త‌గ్గించుకోవ‌డానికి ఎంతో ఖ‌ర్చు చేస్తూ ఉంటారు. మార్కెట్ లో దొరికే అన్ని ర‌కాల షాంపూల‌ను, నూనెల‌ను వాడిన‌ప్ప‌టికీ ఈ స‌మ‌స్య నుండి ఉప‌శ‌మ‌నం క‌ల‌గక బాధ‌ప‌డే వారు ఎంతో మంది ఉన్నారు. జుట్టు సంబంధిత సమస్యలను స‌హ‌జసిద్ధంగా కూడా మనం త‌గ్గించుకోవ‌చ్చు. స‌హ‌జసిద్ధంగా ల‌భించే ప‌దార్థాల‌తో నూనెను త‌యారు చేసుకుని వాడ‌డం వ‌ల్ల జుట్టును అందంగా, ఆరోగ్యంగా ఉంచుకోవ‌చ్చు.
జుట్టు సమస్యలను న‌యం చేసే ఈ నూనెను ఎలా త‌యారు చేసుకోవాలి.. దీని త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం. ఇందుకోసం మనం 40 గ్రాముల కొబ్బ‌రి నూనెను, 40 గ్రాముల క‌ల‌బంద ముక్క‌ల‌ను ఉప‌యోగించాల్సి ఉంటుంది. ముందుగా క‌ల‌బంద‌ను సేక‌రించి వాటి అంచుల‌కు ఉండే ముళ్ల‌ను తొల‌గించి ముక్క‌లుగా చేసుకోవాలి. ఈ క‌ల‌బంద ముక్క‌ల‌ను ఒక గిన్నెలోకి తీసుకుని అందులోనే కొబ్బ‌రి నూనెను కూడా వేయాలి.
ఇప్పుడు ఈ గిన్నెను స్ట‌వ్ మీద ఉంచి క‌ల‌బంద ముక్క‌లు న‌ల్ల‌గా అయ్యే వ‌ర‌కు వేడి చేయాలి. ఈ నూనెను వ‌డ‌క‌ట్టి పూర్తిగా చ‌ల్ల‌గా అయ్యే వ‌ర‌కు ఉంచాలి. త‌రువాత ఈ నూనెను ఒక గాజు సీసాలో నిల్వ చేసుకోవాలి. ఈ నూనెను ప్ర‌తి రోజూ త‌ల‌కు రాస్తూ కుదుళ్లలోకి ఇంకేలా 5 నిమిషాల పాటు మ‌ర్ద‌నా చేసుకోవాలి. ఇలా క‌ల‌బంద‌ను ఉప‌యోగించి త‌యారు చేసిన నూనెను వాడ‌డం వ‌ల్ల త‌ల చర్మం పొడిబార‌కుండా ఉండి చుండ్రు స‌మ‌స్య త‌గ్గుతుంది. అంతేకాకుండా జుట్టు రాల‌డం త‌గ్గి జుట్టు న‌ల్ల‌గా, ఒత్తుగా పెరుగుతుంది. దీన్ని త‌ర‌చూ ఉప‌యోగించ‌డం వ‌ల్ల అన్ని ర‌కాల జుట్టు స‌మ‌స్య‌ల నుంచి బ‌య‌ట ప‌డ‌వ‌చ్చు. దీంతో శిరోజాలు దృఢంగా, ఆరోగ్యంగా ఉంటాయి.
