Egg Tomato Masala Curry : కోడిగుడ్ల‌తో ర‌క‌ర‌కాల వంట‌కాల‌ను తయారు చేసుకునిత తింటూ ఉంటాం. కోడిగుడ్లు మ‌న ఆరోగ్యానికి ఎంతో మేలు చేస్తాయని మ‌నంద‌రికి తెలిసిందే. ఈ కోడిగుడ్ల‌తో ట‌మాటాల‌ను క‌లిపి ట‌మాట కోడిగుడ్డు కూర‌ను మ‌నం తయారు చేస్తూ ఉంటాం. ఈ కూర చాలా మంది రుచి చూసే ఉంటారు. అలాగే ఈ కూర‌ను మ‌నం త‌ర‌చూ తయారు చేస్తూ ఉంటారు. ఈ కోడిగుడ్డు ట‌మాట కూర‌ను మ‌సాలాలు వేసి మ‌రింత రుచిగా కూడా తయారు చేసుకోవ‌చ్చు. ఎగ్ ట‌మాట కూర‌ను మ‌రింత రుచిగా ఎలా తయారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
ఎగ్ ట‌మాట మ‌సాలా క‌ర్రీ త‌యారీకి కావ‌ల్సిన ప‌దార్థాలు..
ఉడికించిన కోడిగుడ్లు – 4, అల్లం – ఒక ఇంచు ముక్క, వెల్లుల్లి రెబ్బలు – 8, పెద్ద ముక్కలుగా త‌రిగిన ట‌మాటాలు – 4, నూనె – 3 టీ స్పూన్స్, ఆవాలు – పావు టీ స్పూన్, జీల‌క‌ర్ర – పావు టీ స్పూన్, త‌రిగిన ఉల్లిపాయ‌లు – 2, త‌రిగిన ప‌చ్చిమిర్చి – 2, ప‌సుపు – పావు టీ స్పూన్, కారం – 2 టీ స్పూన్స్, ధ‌నియాల పొడి – అర టీ స్పూన్, గ‌రం మ‌సాలా – పావు టీ స్పూన్, ఉప్పు – తగినంత, త‌రిగిన కొత్తిమీర – కొద్దిగా.
ఎగ్ ట‌మాట మ‌సాలా క‌ర్రీ త‌యారీ విధానం..
ముందుగా జార్ లో అల్లం, వెల్లుల్లి రెబ్బలు, ట‌మాట ముక్క‌లు వేసి మెత్త‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ఆవాలు, జీల‌క‌ర్ర వేసి వేయించుకోవాలి. త‌రువాత ఉల్లిపాయ ముక్క‌లు, ప‌చ్చిమిర్చి ముక్క‌లు వేసి వేయించాలి. త‌రువాత ప‌సుపు వేసి క‌ల‌పాలి. ఇప్పుడు ముందుగా మిక్సీ ప‌ట్టుకున్న ట‌మాట పేస్ట్ వేసి నూనె పైకి తేలే వ‌ర‌కు వేయించాలి. త‌రువాత కారం, ధ‌నియాల పొడి వేసి క‌ల‌పాలి. దీనిని ఒక నిమిషం పాటు వేయించిన త‌రువాత ఒక టీ గ్లాస్ నీళ్లు పోసి క‌ల‌పాలి. త‌రువాత ఉప్పు, గ‌రం మ‌సాలా వేసి క‌లిపి మూత పెట్టి 2 నిమిషాల పాటు ఉడికించాలి.
త‌రువాత ఉడికించిన కోడిగుడ్ల‌ను నిలువుగా క‌ట్ చేసుకుని వేసుకోవాలి. వీటిని నెమ్మ‌దిగా క‌లుపుకుని మూత పెట్టి 5 నిమిషాల పాటు ఉడికించాలి. త‌రువాత కొత్తిమీర‌ను చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఎగ్ ట‌మాట మ‌సాలా కూర త‌యారవుతుంది. దీనిని అన్నంతో క‌లిపి తింటే చాలా రుచిగా ఉంటుంది. ఏ వంట చేయాలో తోచ‌న‌ప్పుడు ఇలా కోడిగుడ్ల‌తో ట‌మాట మ‌సాలా కూర‌ను తయారు చేసుకుని తిన‌వ‌చ్చు. ఈ కూర‌ను అంద‌రూ ఎంతో ఇష్టంగా తింటారు.
