ప్ర‌పంచ‌వ్యాప్తంగా అనేక అభివృద్ధి చెందుతున్న దేశాల్లో భార‌త్ కూడా ఒక‌టి. ఒక‌ప్ప‌టి క‌న్నా ఇప్పుడు భార‌త్ ర‌క్ష‌ణ వ్య‌వ‌స్థ‌లో అనేక దేశాల క‌న్నా మెరుగ్గా ఉంది. చైనా వంటి పెద్ద దేశానికి కూడా భార‌త్ చెమ‌ట‌లు ప‌ట్టిస్తోంది అంటే అతిశ‌యోక్తి కాదు. ఇక భార‌త ఆర్మీలో వాడే అద్భుత‌మైన వాహ‌నాల గురించి ఇప్పుడు తెలుసుకుందాం.
మ‌హీంద్రా ఆర్మ‌ర్డ్ లైట్ స్పెష‌లిస్ట్ వెహిక‌ల్ (ASLV) బాలిస్టిక్ ర‌క్ష‌ణ‌ను అందిస్తుంది. ముందు, వెనుక, ప‌క్క భాగాల్లో.. అన్ని వైపుల నుంచి ర‌క్ష‌ణ‌ను అందిస్తుంది. లోప‌ల ఆయుధాల‌ను తీసుకెళ్ల‌వ‌చ్చు. 400 కిలోల బ‌రువు మోస్తుంది. ఆటోమేటిక్ గ్రెనేడ్ లాంచ‌ర్‌, మీడియం మెషిన్ గ‌న్ వంటి స‌దుపాయాలు ఇందులో ఉన్నాయి. 212 బేసిక్ హార్స్ ప‌వ‌ర్‌ను క‌లిగి ఉంటుంది. 4 స్పీడ్ ఆటోమేటిక్ గేర్ బాక్స్ ఉంటుంది. ఈ ఏడాది మార్చిలో ఈ వాహ‌నాలు 1300 వ‌ర‌కు ర‌క్ష‌ణ మంత్రిత్వ శాఖ స‌ర‌ఫ‌రా చేసింది.
ఈ ఏడాది ఆరంభంలో ల‌డ‌ఖ్‌లో ఈ వాహ‌నాల‌ను ప్రారంభించాక వీటిని ఇండియ‌న్ ఆర్మీలోకి తీసుకున్నారు. చైనాతో నెల‌కొన్న వివాదం నేప‌థ్యంలో వీటిని ఆర్మీలోకి తెచ్చారు. అత్యంత ఎత్త‌యిన ప్ర‌దేశాల‌కు ఈ వాహ‌నాలు వెళ్ల‌గ‌ల‌వు. క‌ఠిన వాతావ‌ర‌ణ పరిస్థితుల‌ను త‌ట్టుకుని న‌డుస్తాయి. ఒక్క క‌ల్యాణి ఎం4 వాహనంలో 8 మంది వెళ్ల‌వ‌చ్చు. 2.3 ట‌న్నుల బ‌రువును మోస్తుంది. 465 బేసిక్ హార్స్ ప‌వ‌ర్ ఉంటుంది.
ఆఫ్ రోడ్‌లోనూ ఈ వాహ‌నాలు సుల‌భంగా ప్ర‌యాణిస్తాయి. 2010లో ఈ వాహ‌నాల‌ను డిజైన్ చేశారు. యాంటీ టెర్ర‌రిజం, యాంటీ న‌క్స‌లైట్ ఆప‌రేష‌న్ల‌కు, కొండ ప్రాంతాల్లో తిరిగేందుకు ఈ వాహ‌నాల‌ను ఎక్కువగా ఉప‌యోగిస్తున్నారు. 21 కిలోల భారీ పేలుడు ప‌దార్థం పేలినా ఈ వాహ‌నం ర‌క్ష‌ణ‌ను అందిస్తుంది. రూఫ్ హ్యాచ్‌, గ‌న్ పోర్ట్స్, మల్టీ లేయ‌ర్డ్ బాలిస్టిక్ గ్లాస్‌, ప్రొటెక్టెడ్ ఫ్యుయ‌ల్ ట్యాంక్ వంటి ఫీచ‌ర్లు ఇందులో ఉన్నాయి. ఇందులోని ఇంజిన్ 227 బేసిక్ హార్స్ ప‌వ‌ర్‌ను క‌లిగి ఉంది. 6X6 డ్రైవ్‌ను అందిస్తుంది.
భార‌త్‌కు చెందిన ర‌క్ష‌ణ రంగంలోని వివిధ విభాగాల్లో ఈ వాహ‌నాల‌ను వాడుతున్నారు. నేష‌న‌ల్ సెక్యూరిటీ గార్డ్ (ఎన్ఎస్‌జీ) క‌మాండోలు, సెంట్ర‌ల్ ఇండ‌స్ట్రియ‌ల్ సెక్యూరిటీ ఫోర్స్ (సీఐఎస్ఎఫ్‌) వారు ఈ వాహ‌నాల‌ను వాడుతున్నారు. 4×4 చాసిస్‌ను ఈ వాహ‌నాలు క‌లిగి ఉంటాయి. ఇందులో ఒక్క వాహనంలో న‌లుగురు కూర్చోవ‌చ్చు. వాహనంలో కూర్చునే సుల‌భంగా కాల్పులు జ‌ర‌ప‌వ‌చ్చు.
ఇదొక లైట్ బుల్లెట్ ప్రూఫ్ వాహ‌నం. 6 మంది ప్ర‌యాణించ‌వ‌చ్చు. చిన్న‌పాటి ఆయుధాలు, గ్రెనేడ్ అటాక్‌ల నుంచి మాత్ర‌మే ఈ వాహ‌నం ర‌క్ష‌ణ‌ను అందిస్తుంది.
