పుట్టినపుడు శరీరం చిన్న సైజులో వుండి యవ్వనంలో అధిక బరువు పొందితే ఇక ఆపై గుండె జబ్బులు తప్పదంటోంది తాజాగా చేసిన ఒక అధ్యయనం. ఇంతేకాక, ఈ అధ్యయంనంలో పిండ దశ నుండి, బాల్యం, యవ్వనం, వరకు ఆరోగ్య జీవన విధానాలను ఎలా ఆచరించి గుండె సమస్యలు లేకుండా కూడా చేసుకోవచ్చనేది సూచిస్తోంది. ఈ స్టడీలో, రీసెర్చర్లు 5, 840 మంది వ్యక్తులను వారి పిండ దశ నుండి 31 సంవత్సరాల వయసు వరకు పరిశీలించి పుట్టినపుడుండే శరీర బరువు, తర్వాత వారు పొందే అధిక బరువు లతో గుండె జబ్బులు ఎలా వస్తాయనేది పరిశీలించారు.
ఈ మెకానిజం వెనుకగల కారణాలను పరిశీలించటానికి గాను రీసెర్చర్లు సి – రియాక్టివ్ ప్రొటీన్ అంటే సిఆర్ పి ని ఉపయోగించారు. ఈ సిఆర్ పి అనేది లివర్ నుండి ఊరే ద్రవంగా వుంటుంది. తర్వాత బ్లడ్ లో చేరుతుంది. ఇది అధికమయితే, కొద్దిపాటి మంట వస్తుంది. ఈ తక్కువపాటి మంట భవిష్యత్తులో హృదయ సంబంధిత వ్యాధులకు దోవతీస్తుందని అధ్యయన కర్త పౌల్ ఎలియట్ తెలియజేస్తున్నారు. ఫిన్లాండు ప్రజలు పుట్టినపుడు చిన్న సైజులో వుండటం, 31 సంవత్సరాల వయసు వచ్చేసరికి అధికబరువు కలిగి తమ సిఆర్ పి స్ధాయిలు అత్యధికంగా కలిగి వున్నారని రీసెర్చర్లు తెలిపారు.
అధ్యయన కర్తలు చేసిన అనేక పరిశోధనలలో పుట్టినపుడు తక్కువ బరువుండి, తర్వాతి కాలంలో అధికంగా బరువు పెరిగితే అది గుండె జబ్బులకు దోవ తీస్తుందని తేలింది. గుండెజబ్బులే కాక వీరిలో టైప్ 2 డయాబెటీస్ కూడా వచ్చే అకాశాలున్నాయని చెపుతున్నారు. ఈ స్టడీని యూరప్ లోని ప్రధాన కార్డియాలజీ జర్నల్ అయిన యూరోపియన్ హార్ట్ జర్నల్ లో ప్రచురించారు.
