ఇంటి వాస్తు మార్పులు చేసుకోవాలంటే పెద్ద మార్పులు చేయాల్సిన అవసరం లేదు. కేవలం కొన్ని చిన్న చిన్న మార్పులను ఫాలో అయితే చాలు. ఈ మార్పులను పాటించడం ద్వారా మీరు వాస్తు దోషాలను నివారించవచ్చు. అనేక సందర్భాల్లో వాస్తు దోషాల వల్ల మన ఇంటిలో సమస్యలు, ఆందోళనలు, మానసిక ఒత్తిడి తలెత్తి మన జీవితం చుట్టూ గందరగోళం ఏర్పడుతుంది. దీని ప్రభావం మన ఆనందాన్ని, ప్రశాంతతను క్రమంగా తగ్గిస్తుంది. అయితే ఈ వాస్తు సమస్యలను పరిష్కరించడానికి చాలా సరళమైన పద్ధతులు ఉన్నాయన్న విషయం గుర్తుంచుకోండి. ఇంటిలో వాస్తు శాస్త్రానికి అనుగుణంగా చేయవలసిన కొన్ని విషయాల గురించి ఇప్పుడు తెలుసుకుందాం.
వాస్తు శాస్త్రం ప్రకారం.. కిచెన్ గోపురపు దిశలో ఉండడం అనేది శుభకరం. అయితే కిచెన్ లో సరైన వెలుగులు ఉండటం కూడా చాలా ముఖ్యం. కొన్ని వాస్తు దోషాలను నివారించడానికి మీ కిచెన్ లో బల్బులను అమర్చడం అనేది మంచిది. అయితే కిచెన్ లో ట్యూబ్ లైట్లు ఉపయోగించడం కంటే బల్బులను ఉపయోగించండి. ఈ మార్పు వల్ల కిచెన్, ఇంట్లోని ఇతర భాగాలలో సానుకూల శక్తి ప్రవహిస్తుంది. ఇంట్లో ఆనందం, శాంతి కోసం, ప్రధాన ద్వారం వద్ద గుర్రపుడెక్కను ఉంచడం చాలా శుభమని వాస్తు శాస్త్రం చెబుతుంది. ఈ పరిష్కారాన్ని పాటించడం వల్ల ఇంట్లో నెగిటివ్ ఎనర్జీ ప్రవేశించకుండా కాపాడుతుంది. గర్రపుడెక్కను రెడ్ కలర్ క్లాత్ లో ఉంచి ఎంట్రన్స్ వద్ద పైన ఉంచడం మంచిది. మీరు వస్తూ వెళ్తూ ఉంటే తగలకుండా సెట్ చేసుకోండి.
ఇంట్లో శారీరక, మానసిక శాంతి కోసం స్ఫటికాలు ఉపయోగించడం ఎంతో ఫలప్రదంగా ఉంటుంది. వాస్తు శాస్త్రంలో స్ఫటికాలను ప్రతికూల శక్తిని తగ్గించడానికి చాలా ప్రభావవంతమైన పద్ధతిగా సూచించారు. స్ఫటికాలు శక్తి సామర్థ్యం కలిగివుండి, మీ ఇంటి అంతటా మంచి శక్తిని వ్యాప్తి చేస్తాయి. మీరు ఇంట్లో స్ఫటికాపు రాళ్లు లేదా క్రిస్టల్స్ ఉండేలా చూసుకోండి. ఇవి ఇంట్లో శాంతిని సానుకూల వాతావరణాన్ని సృష్టించడంలో సహాయపడుతాయి.
