స్వప్న శాస్త్రం ప్రకారం ప్రతి కల వెనుక ఒక అర్థం.. పరమార్థం ఉంటుందని సమాచారం. ఇక స్వప్న శాస్త్రం ప్రకారం కలలో కనిపించే వస్తువులు మీకు రాబోయే మంచిచెడుల గురించి సూచనలు ఇస్తాయి అని చెబుతున్నారు . ముఖ్యంగా మనం కొన్ని రకాల వస్తువులను చూసినట్లయితే కచ్చితంగా కోటీశ్వరులు అయ్యే అవకాశాలు ఉంటాయి. ఇక మరి ఆ వస్తువులు ఏమిటి అంటే.. మీకు కలలో పచ్చని చెట్లు కనిపించడం లేదా ఆ చెట్ల నుండి పండ్లు కోయడం లాంటివి కనిపిస్తే మీరు పూర్వీకుల ఆస్తిని పొందుతారు అని అర్థం. పచ్చని చెట్లు కనిపించినా సరే మీ పంట పండినట్లే.. త్వరలోనే మీరు కోటీశ్వరులు అవుతున్నారు అనడానికి ఇది ఒక గొప్ప సంకేతం అని చెబుతున్నారు స్వప్న శాస్త్ర నిపుణులు.
ఒకవేళ మీరు ఉన్నట్టుండి కలలో నీటిలో పడినట్లు చూస్తే మీరు వ్యాపారంలో చాలా లాభం పొందుతారని అర్థం. లేకపోతే మంచి కాంట్రాక్టు వంటి ఇతర లాభాలను కూడా త్వరలో పొందవచ్చు . అంతేకాదు ఉద్యోగాలను ప్రమోషన్స్ పొందే అవకాశం కూడా ఉంటుంది. మీ కలలో మీరే కొత్త బట్టలు ధరించినట్లు కనిపిస్తే మీ భవిష్యత్తు చాలా ఉజ్వలంగా ఉంటుందని అర్థం. ఇక అలాగే బట్టలు ఆరబెట్టడాన్ని కూడా మీరు చూసినట్లయితే మీ జీవితంలో ఒక మార్పుకు ఇది చిహ్నంగా పరిగణించవచ్చు. స్వప్న శాస్త్రం ప్రకారం మీరు మీ కలలో ఏదైనా ఒక మృత‌దేహాన్ని చూసినట్లయితే అది లాభానికి చిహ్నంగా పరిగణిస్తారు. ముఖ్యంగా కలలో ఇలాంటి సంఘటనలు చూస్తే త్వరలోనే పెద్ద మొత్తంలో లాభాలు పొందుతున్నారని అర్థం.
ఇప్పట్లో పోల్చుకుంటే గతంలో చేదుడు బావులు చాలా ఉండేవి. ఇక ఇలా ఎవరైనా సరే చేదుడు బావి నుంచి నీళ్లు బయటకు తోడుతున్నట్లు మీకు కలలో వస్తే త్వరలోనే మీరు డబ్బును నిజాయితీగా సంపాదిస్తారు అని అర్థం.
