Chiranjeevi : టాలీవుడ్ టాప్ హీరోల‌లో ఒక‌రిగా ఉన్న చిరంజీవి తన కెరీర్‌లో ఎన్నో సూప‌ర్ హిట్ చిత్రాలు చేశారు. వాటిలో గ్యాంగ్ లీడర్ చిత్రం కూడా ఒక‌టి.ఆ రోజుల్లో ఈ సినిమా సృష్టించిన ప్రభంజనం మామూలుది కాదు.వరుస ఇండస్ట్రీ హిట్స్ తో రికార్డ్స్ తో సావాసం చేస్తున్న మెగాస్టార్ కి మరో ఇండస్ట్రీ హిట్ గా ఈ మూవీ నిలిచింది. చిత్రం వచ్చి 3 దశాబ్దాలు దాటిన అభిమానులు ఇప్పటికే ఈ సినిమాలోని డైలాగులు గుర్తు చేసుకుంటూ ఉంటారు. 1991లో విజ‌య బాపినీడ్ దర్శకత్వంలో వ‌చ్చిన ఈ సినిమాలో చిరంజీవికి జోడీగా విజ‌య‌శాంతి హీరోయిన్ గా నటించింది. ఈ సినిమా చిరంజీవికి మాస్ ఆడియ‌న్స్ లో క్రేజ్ పెంచింది.
ఈ సినిమా త‌ర‌వాత అంద‌రూ గ్యాంగ్ లీడర్ మూడ్ లో ఉంటే వెంకటేష్ బొబ్బిలి రాజా సినిమాతో వచ్చాడు. బొబ్బిలి రాజా చిత్రానికి స్టార్ డైరెక్ట‌ర్ బి గోపాల్ ఈ సినిమాకు ద‌ర్శక‌త్వం వ‌హించ‌గా సురేష్ ప్రొడ‌క్ష‌న్స్ బ్యానర్ లో ఈ సినిమాని రూపొందించారు. ఆ త‌ర్వాత వెంకటేష్ మరో విభిన్నమైన కథతో ప్రేక్షకుల ముందుకు వచ్చాడు. ఆ చిత్రం పేరు చంటి. రవిరాజా పినిశెట్టి దర్శకత్వంలో రూపొందిన ఈ చిత్రంలో వెంకటేష్ కు జోడీగా మీనా నటించింది. ముఖ్యమైన పాత్రలో నాజర్ నటించారు. ఇళయరాజా ఈ సినిమాకు స్వ‌రాలు సమకూర్చగా సినిమాలోని పాటలు ప్ర‌తి ఒక్క‌రిని ఎంత‌గానో అల‌రించాయి.. 1991లో విడుదలైన ఈ సినిమా ఏడు కోట్ల షేర్ వసూలు చేసి చిరంజీవి గ్యాంగ్ లీడర్ సినిమాను సైతం అధిగమించింది.
అయితే చంటి సినిమా ఏకంగా తొమ్మిది కోట్ల షేర్ వసూలు చేసి 1992లో సినిమా ఇండస్ట్రీ హిట్ గా నిలిచింది. ఇక ఈ సినిమాను బీట్ చేస్తూ ఘరానా మొగుడు సినిమా 10 కోట్ల షేర్ వసూలు చేసి అదే సంవత్సరం మరో ఇండస్ట్రీ హిట్ గా నిలవడం విశేషం. ఘరానా మొగుడు సినిమాతో చిరంజీవి మాస్ ఇమేజ్ మ‌రింత పెరిగింది. మొద‌టి నుండి ఈ ఇద్ద‌రు హీరోల మ‌ధ్య మంచి ఫైట్ ఉండ‌గా, ఇప్ప‌టికీ ప‌లు సంద‌ర్భాల‌లో పోటీ ప‌డుతూనే ఉన్నారు. ఇటీవ‌ల వెంకటేష్, చిరంజీవి ఎక్కువ‌గా మ‌ల్టీ స్టార‌ర్ చిత్రాలు చేస్తుండ‌డం మ‌నం చూస్తూనే ఉన్నాం.
