Copper Ring : ఆభరణాలు అనగానే సహజంగానే చాలా మందికి బంగారం గుర్తుకు వస్తుంది. బంగారంతో తయారు చేయబడిన ఉంగరాలు, చెయిన్లు, హారాలను ధరిస్తుంటారు. అయితే మిగిలిన ఆభరణాలు ఏమో గానీ.. వేళ్లకు మాత్రం బంగారం కన్నా రాగి ఉంగరాలు ధరించడం మేలని ఆయుర్వేదం చెబుతోంది. మరి రాగి ఉంగరాలను ధరించడం వల్ల ఎలాంటి లాభాలు కలుగుతాయో ఇప్పుడు తెలుసుకుందామా..!
1. రాగి ఉంగరం ఆరోగ్యానికి ఎంతో మేలు చేస్తుంది. రాగి ఉంగరాన్ని ధరించడం వల్ల సూర్యుని నుంచి పాజిటివ్‌ శక్తి శరీరానికి లభిస్తుంది. దీంతో శరీరంలో ఉండే చెడు పోతుంది. వ్యర్థాలు బయటకు పోతాయి. శరీరం ఆరోగ్యంగా ఉంటుంది.
2. పని ఒత్తిడి లేదా ఇతర ఒత్తిళ్లు, మానసిక సమస్యలు ఉన్నవారు రాగి ఉంగరాలను ధరించడం వల్ల ఆయా సమస్యల నుంచి బయట పడవచ్చు. మనస్సు ప్రశాంతంగా మారుతుంది. దీంతో మంచి నిర్ణయాలు తీసుకోవచ్చు.
3. శరీరంలో బాగా వేడి ఉన్నవారు రాగి ఉంగరాలను ధరిస్తే శరీరం చల్లగా మారుతుంది.
4. హైబీపీ సమస్య ఉన్నవారు రాగి ఉంగరాలను ధరించడం వల్ల శరీరంలో రక్తసరఫరా మెరుగు పడుతుంది. దీంతోపాటు హైబీపీ తగ్గుతుంది.
5. గుండె సమస్యలు రాకుండా ఉండాలనుకునేవారు.. ఇప్పటికే ఆ సమస్యలు ఉన్నవారు రాగి ఉంగరాలను ధరిస్తే మేలు జరుగుతుంది. గుండె ఆరోగ్యంగా ఉంటుంది.
6. తరచూ తలనొప్పితో బాధపడేవారు రాగి ఉంగరాన్ని ధరించడం వల్ల ఆ సమస్య నుంచి బయట పడవచ్చు.
