ఆయిల్ పుల్లింగ్.. దీన్నే గుండుషా లేదా కావాలా అని కూడా పిలుస్తారు. ఇది ఒక పురాతన ఆయుర్వేద దంత చికిత్స. 500 సంవత్సరాల క్రితం భారతదేశంలో ఉద్భవించిన ఈ టెక్నిక్ తో నోట్లోని బ్యాక్టీరియాను అంతం చేయవచ్చు. అలాగే నోరు శుభ్రంగా మారుతుంది. దీంతో ఇంకా అనేక ప్రయోజనాలు కలుగుతాయి.
రెండు టేబుల్ స్పూన్ల కొబ్బరి నూనెను నోట్లో వేసుకుని నోరంతా తిప్పుతూ పుక్కిలిస్తున్నట్లు చేయాలి. దీన్నే ఆయిల్ పుల్లింగ్ అంటారు. ఇలా చేయడం వల్ల నోటిలో మూలలలో ఉన్న బ్యాక్టీరియా నశిస్తుంది. చిగుళ్లు, దంతాలు ఆరోగ్యంగా ఉంటాయి. ఆయిల్ పుల్లింగ్‌ను రోజూ మీకు నచ్చినంత సమయం పాటు చేయవచ్చు.
మన నోట్లో దాదాపుగా 600 రకాల బాక్టీరియా ఉంటుందని అధ్యయనాలు చెబుతున్నాయి. వాటిల్లో కొన్ని మంచి చేసే బాక్టీరియా ఉంటుంది. కొంత బాక్టీరియా చెడు చేస్తుంది. చిగుళ్ల వ్యాధులు, దంత క్షయం వంటి సమస్యలను కలిగిస్తాయి. అందువల్ల ఆయిల్ పుల్లింగ్ చేస్తే ప్రయోజనాలను పొందవచ్చు.
ఆయిల్ పుల్లింగ్ చేయడం వల్ల దంత క్షయం తగ్గుతుంది. నోట్లో దుర్వాసన పోతుంది. చిగుళ్ల నుంచి అయ్యే రక్తస్రావం తగ్గుతుంది. నోరు శుభ్రంగా, ఆరోగ్యంగా ఉంటుంది.
