Cheese Health Benefits : పాల‌తో తయారు చేసే ప‌దార్థాలో చీజ్ కూడా ఒక‌టి. చీజ్ ను మ‌నం విరివిగా వాడుతూ ఉంటాము. చీజ్ తో పిజ్జా, బ‌ర్గ‌ర్, చీజ్ దోశ, పాస్తా వంటి ఆహార ప‌దార్థాల‌ను తయారు చేస్తూ ఉంటాము. చీజ్ తో తయారు చేసే ఆహార ప‌దార్థాలు చాలా రుచిగా ఉంటాయి. అలాగే చీజ్ కూడా మ‌న ఆరోగ్యానికి ఎంతో మేలు చేస్తుంది. చీజ్ ను త‌గిన మోతాదులో తీసుకోవ‌డం వ‌ల్ల మ‌నం అనేక ఆరోగ్య ప్ర‌యోజ‌నాల‌ను పొంద‌వ‌చ్చు. చీజ్ ను మితంగా తీసుకోవ‌డం వ‌ల్ల క‌లిగే ఆరోగ్య ప్ర‌యోజ‌నాల గురించి ఇప్పుడు తెలుసుకుందాం. చీజ్ లో క్యాల్షియం ఎక్కువ‌గా ఉంటుంది. ఇది ఎముకల‌ను ధృడంగా, ఆరోగ్యంగా ఉంచ‌డంలో దోహ‌ద‌ప‌డుతుంది. చీజ్ ను తీసుకోవ‌డం వ‌ల్ల ఎముకలు గుళ్ల‌బార‌డం, ఎముక‌ల ప‌గుళ్లు వంటి స‌మ‌స్య‌లు రాకుండా ఉంటాయి.
అలాగే చీజ్ లో ప్రోటీన్ ఎక్కువ‌గా ఉంటుంది. కండ‌రాల‌ను ఆరోగ్యంగా ఉంచ‌డంలో, దేహ పుష్టికి ప్రోటీన్ ఎంతో దోహ‌ద‌ప‌డుతుంది. అంతేకాకుండా చీజ్ లో విట‌మిన్ బి12, విట‌మిన్ ఎ, ఫాస్ప‌ర‌స్, జింక్ వంటి ఎన్నో పోష‌కాలు ఉన్నాయి. ఇవి చ‌క్క‌టి ఆరోగ్యాన్ని అందించ‌డంలో, శ‌రీరంలో రోగ‌నిరోధ‌క శ‌క్తిని పెంచ‌డంలో, చ‌ర్మాన్ని ఆరోగ్యంగా ఉంచ‌డంలో ఇలా అనేక రకాలుగా స‌హాయ‌ప‌డతాయి. బ‌రువు తగ్గ‌డంలో కూడా చీజ్ మ‌న‌కు దోహ‌ద‌ప‌డుతుంది. చీజ్ లో క్యాల‌రీలు, ప్రోటీన్, కొవ్వు ప‌దార్థాలు ఎక్కువ‌గా ఉన్న‌ప్ప‌టికి దీనిని కొద్ది మోతాదులో తీసుకోగానే క‌డుపు నిండిన భావ‌న క‌లుగుతుంది.
చీజ్ ను తీసుకోవ‌డం వ‌ల్ల త్వ‌ర‌గా ఆక‌లి వేయ‌కుండా ఉంటుంది. దీంతో మ‌నం ఇత‌ర ఆహారాల‌ను త‌క్కువ‌గా తీసుకుంటాము. అలాగే కొన్ని ర‌కాల చీజ్ లు ప్రోబ‌యాటిక్స్ ను ఎక్కువ‌గా క‌లిగి ఉంటాయి. ఇవి పొట్ట ఆరోగ్యాన్ని మెరుగుప‌ర‌చ‌డంలో, జీర్ణక్రియ సాఫీగా సాగేలా చేయ‌డంలో దోహ‌ద‌ప‌డ‌తాయి. ఈ విధంగా చీజ్ మ‌న ఆరోగ్యానికి ఎంతో మేలు చేస్తుంద‌ని దీనిని త‌గిన మోతాదులో తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చ‌ని పోష‌కాహార‌నిపుణులు చెబుతున్నారు.
