Curd Study On Diabetes : భార‌తీయులు పెరుగును ఎంతో పురాత‌న కాలం నుంచి ఉపయోగిస్తున్నారు. దీన్ని నేరుగా తింటారు. లేదా దీంతో మ‌జ్జిగ వంటివి చేసుకుని తాగుతారు. పెరుగుతో ప‌లు ర‌కాల వంట‌కాల‌ను కూడా చేయ‌వ‌చ్చు. పెరుగులో మన శ‌రీరానికి అవ‌సరం అయ్యే ఎన్నో పోష‌కాలు ఉంటాయి. అందువ‌ల్ల దీన్ని మ‌న‌కు ఆరోగ్య ప్ర‌దాయిని అని చెప్ప‌వ‌చ్చు. పూర్వం రోజుల్లో మన ఇళ్లో పెరుగు ఎక్కువ‌గా ఉండేది. అందువ‌ల్ల మన పూర్వీకులు పెరుగు ఎక్కువ‌గా తినేవారు. దీంతో వారు ఆరోగ్యంగా ఉండేవారు. అయితే పెరుగుకు సంబంధించి ఓ ఆశ్చ‌ర్య‌క‌ర‌మైన విష‌యం వెల్ల‌డైంది. అదేమిటో ఇప్పుడు తెలుసుకుందాం.
పెరుగును రోజూ తీసుకోవ‌డం వ‌ల్ల అనేక ప్ర‌యోజ‌నాలు క‌లుగుతాయి. దీంతో హైబీపీ త‌గ్గుతుంది. మన పొట్ట‌కు కావ‌ల్సిన మంచి బాక్టీరియా అందుతుంది. దీంతో జీర్ణ స‌మ‌స్య‌ల నుంచి బ‌య‌ట ప‌డ‌వ‌చ్చు. అయితే సైంటిస్టులు చేప‌ట్టిన తాజా అధ్య‌య‌నాల ప్ర‌కారం రోజూ 1 లేదా 2 క‌ప్పుల పెరుగును తిన‌డం వ‌ల్ల షుగ‌ర్ వ‌చ్చే అవ‌కాశాలు చాలా వ‌ర‌కు త‌గ్గుతాయ‌ని తేల్చారు. ఈ అధ్య‌యనానికి సంబంధించిన వివ‌రాల‌ను న్యూట్రిష‌న్ అనే జ‌ర్న‌ల్‌లోనూ ప్ర‌చురించారు. ఇందులో భాగంగా పెరుగును రోజూ తీసుకుంటున్న ప‌లువురి బ్ల‌డ్ షుగ‌ర్ లెవ‌ల్స్ త‌గ్గాయ‌ని గుర్తించారు.
అలాగే ఇంకో అధ్య‌య‌నం ప్ర‌కారం పెరుగును రోజూ తీసుకోవ‌డం వ‌ల్ల డ‌యాబెటిస్ బారిన ప‌డే అవ‌కాశాలు గ‌ణనీయంగా త‌గ్గుతాయ‌ని తేల్చారు. ఈ అధ్య‌య‌నం తాలూకు వివ‌రాల‌ను ఒబెసిటీ అనే జ‌ర్న‌ల్‌లో ప్ర‌చురించారు. ఇక హార్వార్డ్ ప‌రిశోధ‌కులు చేప‌ట్టిన మ‌రో అధ్య‌య‌నం ప్ర‌కారం రోజూ పెరుగును తిన‌డం వ‌ల్ల షుగ‌ర్ వ‌చ్చే అవ‌కాశాలు 16 శాతం వ‌ర‌కు త‌గ్గుతాయ‌ని తేల్చారు. అందువ‌ల్ల పెరుగును రోజువారీ ఆహారంలో భాగం చేసుకోవాల‌ని సైంటిస్టులు అంటున్నారు. దీంతో డ‌యాబెటిస్ బారిన ప‌డ‌కుండా ఉండ‌వ‌చ్చ‌ని, అలాగే ఇత‌ర అనారోగ్య స‌మ‌స్య‌లు కూడా న‌యం అవుతాయ‌ని, పోష‌కాలు ల‌భిస్తాయ‌ని చెబుతున్నారు. అయితే బ‌రువు త‌గ్గించుకునే ప్ర‌య‌త్నం చేస్తూ రోజూ పెరుగు తింటే ఇంకా ఎక్కువ ఫ‌లితం ఉంటుంద‌ని వారు అంటున్నారు.
