తేనె సూక్ష్మజీవుల సంహారిణి, బ్యాక్టీరియా, ఈస్ట్ , మోల్ట్స్ వంటి వాటిని ఎదగనివ్వదు. ఇందులోని కార్బోహైడ్రేట్‌లు తక్షణ శక్తిని ఇస్తాయి. చిన్న చిన్న గాయాలు, చర్మ ఇబ్బందుల‌కు తేనె విరుగుడుగా పనిచేస్తుంది. గొంతులో గరగరలను తగ్గిస్తుంది. నిమ్మ రసముతో కలిపి తీసుకుంటే దగ్గు, గొంతు నొప్పులకు బాగా పనిచేస్తుంది. తేనెలో కార్బోహైడ్రేట్‌లు, నీరు, మినరల్స్‌, విటమిన్స్ వుంటాయి. కాల్షియమ్‌, మాంగనీస్‌, పొటాషియమ్‌, ఫాస్ఫరస్‌, జింక్‌, విటమిన్‌ ఎ, బి, సి, డి తేనెలో లభిస్తాయి. తేనెను క్రమం తప్పకుండా తీసుకుంటే దాదాపు వంద రకాల అనారోగ్యాలను అడ్డుకుంటుందని ఇటీవల జరిగిన పరిశోధనల్లో తేలింది. కీళ్ళనొప్పులు బాధిస్తుంటే ఒక వంతు తేనె, రెండు వంతుల నీరు, ఒక చెంచా దాల్చిన చెక్క పొడి తీసుకొండి. ఆ మిశ్రమాన్ని కలిపి ముద్దలా చేసి బాధించే భాగం మీద మర్ధనా చేస్తే రెండు మూడు నిమిషాలలోనే ఉపశమనం కలుగుతుంది.
రెండు స్పూన్ల తేనెలో దాల్చిన చెక్క పొడి కలుపుకుని ఆహారం తీసుకునే ముందు తీసుకుంటే ఎసిడిటీ బాధ తొలిగి జీర్ణం సులభం చేస్తుంది. తేనె, దాల్చిన చెక్క పొడిని బ్రెడ్‌ మీద పరుచుకుని తింటే కొలెస్టరాల్‌ తగ్గుతుంది. రోజుకు మూడు పూటలా తీసుకుంటే క్యాన్సర్‌ రానివ్వదు. వేడినీటిలో ఒక స్పూన్ తేనె, దాల్చిన చెక్క పొడి వేసి ఆ నీటితో కొద్దిసేపు పుక్కిలించి ఉమ్మేస్తే నోటి దుర్వాసన సమస్య మాయవుతుంది. తేనెలో ఉన్న విటమిన్స్… శరీర వ్యాధి నిరోధక శక్తిని పెంపొందిస్తాయి. యాంటీ బ్యాక్టీరియ‌ల్, యాంటీ సెప్టిక్ గునాలున్నందున చర్మంపై పూస్తే గాయాలు మానిపోతాయి.
తేనె వెనిగర్ తో కలిపి ‘vermifuge ‘ గా వాడుతారు. రోజూ పావు గ్లాసు గోరువెచ్చని నీళ్ళలో రెండు చెంచాల తేనె కలుపుకు తాగితే ఒళ్ళు తగ్గుతుంది. రాత్రిళ్ళు పాలు తేనె కలుపుకొనే తాగితే చక్కటి నిద్ర వస్తుంది. నిమ్మ‌రసంలో తేనె కలుపుకొని తీసుకుంటే కడుపు ఉబ్బరం, ఆయాసం తగ్గుతాయి. తేనెలో కొంచెం మిరియాలపొడి కలుపుకొని తీసుకుంటే జలుబు తగ్గుతుంది. రెండు చెంచాల తేనెలో కోడిగుడ్డులోని తెల్లని సొన, కొంచెం శనగపిండి కలుపుకొని ముఖానికి మర్దనా చేసుకుంటే చర్మపు కాంతి పెరుగుతుంది. తేనెలో పసుపు, వేపాకు పొడి కలిపి రాస్తే పుండ్లు మానుతాయి.
