Aloo Rice : మ‌నం వంటింట్లో ర‌క‌ర‌కాల పులావ్ వెరైటీల‌ను త‌యారు చేస్తూ ఉంటాం. మ‌నం సుల‌భంగా కేవ‌లం ప‌ది నిమిషాల్లోనే త‌యారు చేసుకోగ‌లిగిన పులావ్ వెరైటీల‌లో ఆలూ పులావ్ కూడా ఒక‌టి. బంగాళాదుంప‌తో చేసే ఈ పులావ్ చాలా రుచిగా ఉంటుంది. లంచ్ బాక్స్ లోకి కూడా ఈ పులావ్ చాలా చ‌క్క‌గా ఉంటుంది. అలాగే ఎవ‌రైనా దీనిని సుల‌భంగా త‌యారు చేసుకోవ‌చ్చు. ఎంతో రుచిగా, క‌మ్మ‌గా ఉండే ఈ ఆలూ పులావ్ ను ఎలా త‌యారు చేసుకోవాలో ఇప్పుడు తెలుసుకుందాం.
ఆలూ పులావ్ త‌యారీకి కావ‌ల్సిన ప‌దార్థాలు..
బంగాళాదుంప – పెద్ద‌ది ఒక‌టి, నాన‌బెట్టిన బాస్మ‌తీ బియ్యం – పావు కిలో, ప‌చ్చిమిర్చి – 10 లేదా కారానికి త‌గిన‌న్ని, వెల్లుల్లి రెబ్బ‌లు – 10, అల్లం – రెండు ఇంచుల ముక్క, నెయ్యి – ఒక టేబుల్ స్పూన్, నూనె – ఒక టేబుల్ స్పూన్స్, దాల్చిన చెక్క – చిన్న ముక్క, అనాస పువ్వు – 1, న‌ల్ల యాల‌కులు – 2, యాల‌కులు – 2, ల‌వంగాలు – 3, స్టోన్ ప్ల‌వ‌ర్ – కొద్దిగా, మ‌రాఠీ మొగ్గ – చిన్న‌వి రెండు, బిర్యానీ ఆకు – 2, జీల‌క‌ర్ర – అరటీ స్పూన్, పొడుగ్గా త‌రిగిన ఉల్లిపాయ – 1, ఉప్పు – త‌గినంత, ధ‌నియాల పొడి – ఒక టీ స్పూన్, ప‌సుపు – పావు టీ స్పూన్, నీళ్లు -ఒక‌టిన్న‌ర గ్లాస్, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా, నిమ్మ‌ర‌సం – అర చెక్క.
ఆలూ పులావ్ త‌యారీ విధానం..
ముందుగా బంగాళాదుంప‌పై ఉండే చెక్కును తీసేసి ముక్క‌లుగా క‌ట్ చేసుకోవాలి. త‌రువాత జార్ లో ప‌చ్చిమిర్చి, వెల్లుల్లి రెబ్బ‌లు, అల్లం వేసి మెత్త‌గా మిక్సీ ప‌ట్టుకోవాలి. త‌రువాత కుక్క‌ర్ లో నూనె,నెయ్యి వేసి వేడి చేయాలి. త‌రువాత మ‌సాలా దినుసులు, జీల‌క‌ర్ర వేసి వేయించాలి. త‌రువాత ఉల్లిపాయ ముక్క‌లు, ప‌చ్చి బ‌ఠాణీ వేసి వేయించాలి. ఉల్లిపాయ ముక్క‌లు కొద్దిగా రంగు మారిన త‌రువాత మిక్సీ ప‌ట్టుకున్న పేస్ట్ వేసి క‌ల‌పాలి. దీనిని ఒక నిమిషం పాటు వేయించిన త‌రువాత బంగాళాదుంప ముక్క‌లు వేసి మ‌రో నిమిషం పాటు వేయించాలి. త‌రువాత ఉప్పు, ధ‌నియాల పొడి, ప‌సుపు వేసి క‌ల‌పాలి. త‌రువాత నాన‌బెట్టుకున్న బియ్యం వేసి క‌ల‌పాలి. వీటిని రెండు నిమిషాల పాటు వేయించిన త‌రువాత నీళ్లు, కొత్తిమీర, పుదీనా, నిమ్మ‌ర‌సం వేసి క‌ల‌పాలి.
త‌రువాత కుక్క‌ర్ మూత పెట్టి పెద్ద మంట‌పై ఒక విజిల్ వ‌చ్చే వ‌ర‌కు ఉడికించి స్ట‌వ్ ఆఫ్ చేసుకోవాలి. త‌రువాత కుక్క‌ర్ ఆవిరంతా పోయే వ‌ర‌కు అలాగే క‌దిలించ‌కుండా ఉంచాలి. త‌రువాత మూత తీసి అంతా క‌లిసేలా క‌లుపుకోవాలి. దీనిని మ‌రో 5 నిమిషాల పాటు అలాగే ఉంచి ఆ త‌రువాత స‌ర్వ్ చేసుకోవాలి. ఇలా చేయ‌డం వల్ల ఎంతో రుచిగా ఉండే ఆలూ పులావ్ త‌యార‌వుతుంది. దీనిని పెరుగుతో తింటే చాలా రుచిగా ఉంటుంది. ఈ విధంగా 10 నిమిషాల్లోనే అప్ప‌టిక‌ప్పుడు ఆలూ పులావ్ ను త‌యారు చేసుకుని తిన‌వ‌చ్చు. దీనిని అంద‌రూ ఎంతో ఇష్టంగా తింటారు.
