Beans Masala Curry : మ‌నం వంటింట్లో ఉప‌యోగించే కూర‌గాయ‌ల్లో బీన్స్ ఒకటి. చాలా కాలం నుండి మ‌నం బీన్స్ ను ఆహారంలో భాగంగా తీసుకుంటూ ఉన్నాం. బీన్స్ ను ఆహారంలో భాగంగా తీసుకోవడం వ‌ల్ల మ‌న‌కు అనేక ఆరోగ్య‌క‌ర‌మైన ప్ర‌యోజ‌నాలు క‌లుగుతాయి. బీన్స్ లో విట‌మిన్ ఎ, విట‌మిన్ సి, విట‌మిన్ కె ల‌తోపాటు ఫోలిక్ యాసిడ్, ఐర‌న్ వంటి మిన‌ర‌ల్స్ కూడా అధికంగా ఉంటాయి. బీన్స్ ను త‌ర‌చూ ఆహారంలో భాగంగా తీసుకోవడం వ‌ల్ల ఊబ‌కాయం, షుగ‌ర్ వ్యాధి, క్యాన్స‌ర్ ల‌తోపాటు గుండె జ‌బ్బులు వ‌చ్చే అవకాశాలు త‌క్కువ‌గా ఉంటాయని నిపుణులు చెబుతున్నారు.
గ‌ర్భ‌వ‌తులతోపాటు గ‌ర్భం ధ‌రించాల‌నుకునే మ‌హిళ‌లు బీన్స్ ను ఆహారంలో భాగంగా చేసుకోవ‌డం వ‌ల్ల అధికంగా ప్ర‌యోజ‌నాలు క‌లుగుతాయి. మాన‌సిక ఒత్తిడిని త‌గ్గించ‌డంలో బీన్స్ ఎంతో స‌హాయ‌ప‌డ‌తాయి. త‌ర‌చూ ఆహారంలో భాగంగా బీన్స్ ను తీసుకోవడం వ‌ల్ల ఎముకలు దృఢంగా ఉంటాయి. బీన్స్ తో మ‌నం ర‌క‌ర‌కాల వంట‌ల‌ను త‌యారు చేస్తూ ఉంటాం. మ‌నం ఎక్కువగా బీన్స్ ను ఫ్రై లేదా ట‌మాటాల‌తో క‌లిపి వండుతూ ఉంటాం. బీన్స్ తో ఎంతో రుచిగా ఉండే మ‌సాలా కూర‌ను కూడా త‌యారు చేసుకోవ‌చ్చు. బీన్స్ మ‌సాలా కూర‌ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
బీన్స్ మ‌సాలా కూర త‌యారీకి కావ‌ల్సిన ప‌దార్థాలు..
చిన్న‌గా త‌రిగిన బీన్స్ – పావు కిలో, త‌రిగిన ఉల్లిపాయ – ఒకటి, త‌రిగిన ప‌చ్చి మిర్చి – 2, త‌రిగిన ట‌మాటాలు – రెండు (మ‌ధ్య‌స్థంగా ఉన్న‌వి), బిర్యానీ ఆకు – ఒకటి, ల‌వంగాలు – 3, యాల‌కులు – 2, మిరియాలు – అర టీ స్పూన్‌, నువ్వులు – రెండు టేబుల్ స్పూన్స్‌ , జీడి ప‌ప్పు – రెండు టేబుల్ స్పూన్స్‌, దాల్చిన చెక్క ముక్క – రెండు (చిన్న‌వి), ధ‌నియాల పొడి – ఒక టేబుల్ స్పూన్‌, కారం – ఒక టేబుల్ స్పూన్‌, ప‌సుపు – అర టీ స్పూన్‌, అల్లం వెల్లుల్లి పేస్ట్ – ఒక టేబుల్ స్పూన్‌, గ‌రం మ‌సాలా – ఒక టేబుల్ స్పూన్‌, పెరుగు – 3 టేబుల్ స్పూన్స్‌, క‌సూరి మెంతి – ఒక టీ స్పూన్‌, ఉప్పు – రుచికి స‌రిప‌డా, నూనె – 2 టేబుల్ స్పూన్స్‌, జీల‌క‌ర్ర – ఒక టీ స్పూన్‌, క‌రివేపాకు – ఒక రెబ్బ, త‌రిగిన కొత్తిమీర – కొద్దిగా, నీళ్లు – ఒక గ్లాసు.
బీన్స్ మ‌సాలా కూర త‌యారీ విధానం..
ముందుగా ఒక జార్ లో ల‌వంగాలు, యాల‌కులు, మిరియాలు, దాల్చిన చెక్క, నువ్వులు, జీడి ప‌ప్పు వేసి మెత్త‌గా పొడిగా చేసుకోవాలి. ఇందులోనే పెరుగును వేసి పేస్ట్ లా చేసుకుని ప‌క్క‌న పెట్టుకోవాలి. ఇప్పుడు ఒక కళాయిలో నూనె వేసి కాగాక త‌రిగిన బీన్స్ ముక్క‌లను వేసి ప‌చ్చి వాస‌న పోయే వ‌ర‌కు వేయించుకోవాలి. ఇలా వేయించుకున్న బీన్స్ ను ఒక ప్లేట్ లోకి తీసుకుని ప‌క్క‌న పెట్టుకోవాలి. ఇప్పుడు అదే కళాయిలో జీల‌క‌ర్ర, త‌రిగిన ఉల్లిపాయలు వేసి వేయించుకోవాలి. ఇవి వేగాక త‌రిగిన ట‌మాటా ముక్క‌లు, అల్లం వెల్లుల్లి పేస్ట్, ప‌సుపు, కారం, ధ‌నియాల పొడి వేసి క‌లిపి, మూత పెట్టి, ట‌మాటాల‌ను పూర్తిగా ఉడికించుకోవాలి.
ట‌మాటాలు ఉడికిన త‌రువాత ముందుగా పేస్ట్ లా చేసి పెట్టుకున్న మిశ్ర‌మాన్ని వేసి క‌లిపి మ‌రో రెండు నిమిషాల పాటు ఉడికించుకోవాలి. త‌రువాత ముందుగా వేయించి పెట్టుకున్న బీన్స్ ను, ఒక గ్లాసు నీళ్ల‌ను పోసి, క‌లిపి, మూత పెట్టి, మ‌ధ్య‌స్ధ మంట‌పై 15 నిమిషాల పాటు ఉడికించుకోవాలి. 15 నిమిషాల త‌రువాత క‌సూరి మెంతి, గ‌రం మ‌సాలా, త‌రిగిన ప‌చ్చి మిర్చి, క‌రివేపాకు, కొత్తిమీర వేసి బాగా క‌లిపి మ‌రో 5 నిమిషాల పాటు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే బీన్స్ మ‌సాలా కూర త‌యార‌వుతుంది. బీన్స్ మ‌సాలా కూర‌ను అన్నం, చ‌పాతీ, పుల్కా, పులావ్ వంటి వాటితో క‌లిపి తింటే చాలా రుచిగా ఉంటుంది. బీన్స్ ను త‌ర‌చూ ఆహారంలో భాగంగా తీసుకోవడం వ‌ల్ల అజీర్తి స‌మ‌స్య కూడా త‌గ్గుతుంది.
