Chekkalu Recipe : మ‌నం ర‌క‌ర‌కాల పిండి వంట‌ల‌ను త‌యారు చేస్తూ ఉంటాం. వీటిని త‌యారు చేసుకుని స్నాక్స్ గా తింటూ ఉంటాం. పిండి వంట‌ల‌ను పండ‌గ‌ల స‌మ‌యంలోనే కాకుండా మామూలు రోజుల్లో కూడా త‌యారు చేసుకోవ‌చ్చు. ఇలా మ‌నం త‌యారు చేసే పిండి వంట‌ల్లో చెక్క‌లు కూడా ఒక‌టి. ఈ వంట‌కం మ‌నంద‌రికి తెలిసిందే. ఇవి చాలా రుచిగా ఉంటాయి. దాదాపుగా వీటిని అంద‌రూ త‌యారు చేస్తూ ఉంటారు. కానీ కొంద‌రూ ఎంత ప్ర‌య‌త్నించిన వీటిని క‌ర‌క‌ర‌లాడుతూ ఉండేలా త‌యారు చేసుకోలేక‌పోతారు. చెక్క‌ల‌ను రుచిగా తింటున్నా కొద్ది తినాల‌నిపించేలా క‌ర‌క‌ర‌లాడుతూ ఉండేలా ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి… అన్న వివ‌రాల‌ను ఇప్పుడు తెలుసుకుందాం.
చెక్క‌ల త‌యారీకి కావ‌ల్సిన ప‌దార్థాలు..
బియ్యం పిండి – 500 గ్రా., నాన‌బెట్టిన స‌గ్గు బియ్యం – అర క‌ప్పు, నాన‌బెట్టిన మిన‌ప‌ప్పు – అర క‌ప్పు, జీల‌క‌ర్ర – ఒక టేబుల్ స్పూన్, నువ్వులు – 2 టేబుల్ స్పూన్స్, త‌రిగిన క‌రివేపాకు – 2 రెమ్మ‌లు, త‌రిగిన కొత్తిమీర – స‌గం క‌ట్ట, ప‌చ్చిమిర్చి – 6, అల్లం ముక్క – ఒక ఇంచు ముక్క, ఉప్పు – త‌గినంత, వేడి వేడి నెయ్యి – 2 టేబుల స్పూన్స్, గోరు వెచ్చ‌టి నీళ్లు – త‌గిన‌న్ని, నూనె – డీప్ ఫ్రైకు స‌రిప‌డా.
చెక్క‌ల త‌యారీ విధానం..
ముందుగా ఒక జార్ లో ప‌చ్చిమిర్చి, అల్లం ముక్క‌లు వేసి మెత్త‌గా మిక్సీ ప‌ట్టుకోవాలి. త‌రువాత ఒక గిన్నెలో బియ్యం పిండిని తీసుకోవాలి. త‌రువాత అందులో మిక్సీ ప‌ట్టుకున్న ప‌చ్చిమిర్చి పేస్ట్ ను వేయాలి. త‌రువాత నూనె, నీళ్లు త‌ప్ప మిగిలిన ప‌దార్థాల‌న్నీ వేసి బాగా క‌లుపుకోవాలి. త‌రువాత త‌గిన‌న్ని నీళ్లూ పోస్తూ పిండిని మ‌రీ మెత్త‌గా కాకుండా క‌లుపుకోవాలి. త‌రువాత ఈ పిండిని చిన్న చిన్న గుండ్ర‌టి ముద్ద‌లుగా చేసుకోవాలి. ఇప్ప‌డు పూరీ ప్రెస్ ను తీసుకుని దాని మీద పాలిథిన్ క‌వ‌ర ను ఉంచి క‌వ‌ర్ కు నూనెను రాయాలి. త‌రువాత పిండి ముద్ద‌ను ఉంచి చెక్క‌లా వ‌త్తుకోవాలి. ఇలా వ‌త్తుకున్న చెక్క‌ల‌ను కాట‌న్ వ‌స్త్రం మీద వేయాలి. ఇలా చెక్క‌ల‌ను వ‌త్తుకున్న త‌రువాత క‌ళాయిలో నూనె పోసి వేడి చేయాలి.
నూనె బాగా వేడ‌య్యాక అందులో త‌గిన‌న్ని చెక్క‌ల‌ను వేసి కాల్చుకోవాలి. వీటిని మ‌ధ్య‌స్థ మంట‌పై రెండు వైపులా ఎర్ర‌గా అయ్యే వ‌ర‌కు కాల్చుకుని ప్లేట్ లోకి తీసుకోవాలి. ఇలా చేయ‌డం వల్ల రుచిగా క‌ర‌క‌ర‌లాడుతూ ఉండే చెక్క‌లు త‌యార‌వుతాయి. వీటిని గాలి త‌గ‌ల‌కుడా నిల్వ చేసుకోవ‌డం వల్ల 25 నుండి 30 రోజుల వ‌ర‌కు తాజాగా ఉంటాయి. వీటి తయారీలో రేష‌న్ బియ్యాన్ని ఉప‌యోగించ‌డం వల్ల చెక్క‌లు మ‌రింత క‌ర‌క‌ర‌లాడుతూ ఉంటాయి. బ‌య‌ట దొరికే చిరుతిళ్ల‌ను తిన‌డానికి బ‌దులుగా ఇలా ఇంట్లోనే చెక్క‌ల‌ను త‌యారు చేసుకుని స్నాక్స్ గా తిన‌వ‌చ్చు.
