Methi Chaman : మ‌నం మెంతికూర‌ను కూడా ఆహారంగా తీసుకుంటూ ఉంటాం. మెంతి కూర మ‌న ఆరోగ్యానికి ఎంతో మేలు చేస్తుంది. మెంతికూర‌లో ఎన్నో ఔష‌ధ గుణాలు ఉంటాయి. మెంతితో చేసిన వంట‌కాల‌ను తిన‌డం వ‌ల్ల రుచితో పాటు చ‌క్క‌టి ఆరోగ్యాన్ని కూడా సొంతం చేసుకోవ‌చ్చు. మెంతికూర‌తో చేసుకోద‌గిన వంట‌కాల్లో మేతి చమన్ ఒక‌టి. రెస్టారెంట్ ల‌లో, ధాబాల‌లో ఈ కూర మ‌న‌కు ల‌భ్య‌మ‌వుతుంది. మేతి చమన్ చాలా రుచిగా ఉంటుంది. ఈ కూర‌ను మ‌నం ఇంట్లో కూడా చాలా సుల‌భంగా త‌యారు చేసుకోవ‌చ్చు. రెస్టారెంట్ స్టైల్ లో మేతి చమన్ కూర‌ను ఎలా త‌యారు చేసుకోవాలో ఇప్పుడు తెలుసుకుందాం.
మేతి చమన్ త‌యారీకి కావ‌ల్సిన ప‌దార్థాలు..
నీళ్లు – ఒక లీట‌ర్, ఉప్పు – త‌గినంత, త‌రిగిన మెంతికూర – ఒక క‌ప్పు, త‌రిగిన పాల‌కూర – ఒక క‌ప్పు, నూనె – 2 టేబుల్ స్పూన్స్, జీల‌క‌ర్ర – ఒక టీ స్పూన్, చిన్న‌గా త‌రిగిన ప‌చ్చిమిర్చి – 2, పొడుగ్గా త‌రిగిన ఉల్లిపాయ – 1, అల్లం వెల్లుల్లి పేస్ట్ – ఒక టీ స్పూన్, ఉప్పు – త‌గినంత, జీల‌క‌ర్ర పొడి – ఒక టీ స్పూన్, ధ‌నియాల పొడి – ఒక టీ స్పూన్, కారం – ఒక టీ స్పూన్, గ‌రం మ‌సాలా – అర టీ స్పూన్, ప‌న్నీర్ త‌రుము – 200 గ్రా., బ‌ట‌ర్ – 2 టేబుల్ స్పూన్స్, నెయ్యి – 2 టీ స్పూన్స్, క్రీమ్ – 2 టీ స్పూన్స్.
మేతి చమన్ త‌యారీ విధానం..
ముందుగా ఒక గిన్నెలో లీట‌ర్ నీళ్లు, ఉప్పు వేసి వేడి చేయాలి. నీళ్లు వేడ‌య్యాక మెంతి కూర, పాల‌కూర వేసి మెత్త‌గా ఉడికించుకోవాలి. త‌రువాత వీటిని వ‌డ‌క‌ట్టి జార్ లోకి తీసుకోవాలి. త‌రువాత ఇందులో అర క‌ప్పు నీళ్లు పోసి మెత్త‌గా పేస్ట్ లా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక జీల‌క‌ర్ర, ప‌చ్చిమిర్చి, ఉల్లిపాయ ముక్క‌లు వేసి ఎర్ర‌గా అయ్యే వ‌ర‌కు వేయించాలి. త‌రువాత అల్లం వెల్లుల్లి పేస్ట్ వేసి ప‌చ్చి వాస‌న పోయే వ‌ర‌కు వేయించాలి. త‌రువాత జీల‌క‌ర్ర పొడి, ధ‌నియాల పొడి, కారం, ఉప్పు, గ‌రం మ‌సాలా వేసి క‌ల‌పాలి. త‌రువాత మిక్సీ ప‌ట్టుకున్న మెంతికూర పేస్ట్ వేసి క‌ల‌పాలి. దీనిని మ‌ధ్య‌స్థ మంట‌పై నూనె పైకి తేలే వ‌ర‌కు ఉడికించాలి. ఇలా ఉడికించిన త‌రువాత ప‌న్నీర్ తురుము వేసి క‌ల‌పాలి.
త‌రువాత దీనిని నూనె పైకి తేలే వ‌ర‌కు ఉడికించాలి. ఇలా ఉడికించిన త‌రువాత బ‌ట‌ర్, నెయ్యి, క్రీమ్ వేసి క‌ల‌పాలి. దీనిని మ‌రో రెండు నిమిషాల పాటు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే రెస్టారెంట్ స్టైల్ మేతి చమన్ త‌యార‌వుతుంది. దీనిని చ‌పాతీ, రోటీ, నాన్, బ‌ట‌ర్ నాన్ వంటి వాటితో క‌లిపి తింటే చాలా రుచిగా ఉంటుంది. మెంతి కూర‌తో త‌ర‌చూ చేసే వంట‌కాల‌తో పాటు అప్పుడ‌ప్పుడూ ఇలా మేతి చమన్ ను కూడా త‌యారు చేసుకుని తిన‌వ‌చ్చు. ఈ కూర చేదుగా లేకుండా చాలా రుచిగా ఉంటుంది. దీనిని అంద‌రూ ఎంతో ఇష్టంగా తింటారు.
