Shruti Haasan : లోకనాయకుడు కమల్‌హాసన్‌ డాటర్‌గా సినిమాల్లోకి ఎంట్రీ ఇచ్చినా యాక్టింగ్‌, అందచందాలతో ప్రత్యేక గుర్తింపు తెచ్చుకుంది చెన్నై బ్యూటీ శ్రుతి హాసన్. కెరీర్‌లో మధ్య గ్యాప్ తీసుకున్నా మాస్ మాహారాజా రవితేజ క్రాక్ మూవీతో గ్రాండ్‌గా రీఎంట్రీ ఇచ్చింది. ప్రస్తుతం వరుస సినిమాలతో బిజీగా ఉంది ఈ ముద్దుగుమ్మ. అయితే శృతి కెరీర్ ప్రారంభంలో న‌టించిన చిత్రాలన్నీ వ‌రుస‌గా ఫ్లాప్ అయ్యాయి. దీంతో ఐర‌న్ లెగ్ అని ముద్ర ప‌డింది. కానీ ప‌వ‌న్ క‌ల్యాణ్ హీరోగా న‌టించిన గ‌బ్బ‌ర్ సింగ్ మూవీతో బ్లాక్ బ‌స్ట‌ర్ అందుకుంది. ఈ సినిమాకు ముందు ప‌వ‌న్ కూడా వరుస ఫ్లాప్ ల‌తో సతమతం అయ్యాడు.
కానీ ఈ సినిమాకు హిట్ ప‌డ‌టంతో ప‌వ‌న్ కెరీర్ మ‌ళ్లీ ఊపందుకుంది. రామ్ చరణ్ కూడా ఎవ‌డు సినిమాకు ముందు వరుస ఫ్లాప్ ల‌తో సతమతమయ్యాడు. కానీ మ‌ళ్లీ ఎవ‌డు సినిమాతో ఫామ్ లోకి వ‌చ్చాడు. ఈ సినిమాలో రామ్ చరణ్ కు జోడీగా శృతి హాసన్ హీరోయిన్ గా న‌టించింది. మ‌హేశ్ బాబు సైతం త‌న కెరీర్ లో శ్రీమంతుడు సినిమాకు ముందు సరైన హిట్ లేక ఇబ్బంది పడ్డాడు. కానీ శ్రీమంతుడు సినిమా మ‌హేశ్ కెరీర్ లోని బెస్ట్ చిత్రాల‌లో ఒక‌టిగా నిలిచింది. దీంతో ఈ సినిమా త‌ర‌వాత మ‌హేశ్ మ‌ళ్లీ ఫామ్ లోకి వ‌చ్చాడు. రవితేజ వరుస ఫ్లాప్ ల‌తో సతమతం అవుతున్న టైంలో బ‌లుపు సినిమాలో న‌టించాడు. ఈ సినిమాలో శృతి హాసన్ హీరోయిన్ గా న‌టించింది. ఈ సినిమాతో ర‌వితేజ‌కు హిట్ ప‌డింది.
అలాగే వరుస ఫ్లాప్ ల‌తో ఇబ్బంది ప‌డిన అల్లు అర్జున్ రేసుగుర్రం సినిమాతో బ్లాక్ బ‌స్ట‌ర్ అందుకున్నాడు. ఈ సినిమాలో శృతి బ‌న్నీకి జోడీగా న‌టించి ఆక‌ట్టుకుంది. అక్కినేని హీరో నాగ‌చైత‌న్యకు సైతం శృతి వ‌ల్ల సూప‌ర్ హిట్ వ‌చ్చింది. వీరిద్ద‌రూ క‌లిసి న‌టించిన ప్రేమ‌మ్ సినిమా మంచి విజ‌యం సాధించింది. ఈ మూవీకి ముందు చైతూ కూడా సరైన హిట్ లేక ఇబ్బంది పడ్డాడు. బ‌లుపు సినిమాతో ఫ్లాప్ ల‌లో ఉన్న ర‌వితేజ‌కు గోల్డెన్ గ‌ర్ల్ గా మారిన శృతి హాసన్ రెండోసారి కూడా ర‌వితేజ‌కు ప్ల‌స్ అయ్యింది. ఫ్లాప్ ల‌తో ఉన్న స‌మ‌యంలో రవితేజ శృతి కాంబోలో వ‌చ్చిన క్రాక్ సినిమా బ్లాక్ బ‌స్ట‌ర్ అయ్యింది. ప్రస్తుతం శ్రుతిహాసన్ ప్రభాస్ సరసన సలార్ 2 పాన్ ఇండియా మూవీలో నటిస్తుంది.
