Paneer Vs Egg : ఈరోజుల్లో ప్రతి ఒక్కరు కూడా ఆరోగ్యం పై శ్రద్ధ పెడుతున్నారు. మంచి ఆహార పదార్థాలను తీసుకుంటున్నారు. ఆరోగ్యం బాగుండే విధంగా పాటిస్తున్నారు. చాలామంది ప్రోటీన్ ఎక్కువ ఉంటుందని గుడ్డు, పన్నీర్ ని తీసుకుంటూ ఉంటారు. బరువు తగ్గడానికి రెండిట్లో ఏది మంచిది..? ఈ రెండిటి వల్ల ఎలాంటి లాభాలు కలుగుతాయి, ఎలాంటి నష్టాలు కలుగుతాయి అనే విషయాలను ఇప్పుడు తెలుసుకుందాం. డైట్ లో ప్రోటీన్ తీసుకోవాలంటే, మనం గుడ్డు, పన్నీర్ వంటివి తీసుకుంటూ ఉంటాము.
గుడ్డు తినని శాకాహారులు ప్రోటీన్ కోసం పన్నీర్ ని ఎక్కువ తీసుకుంటుంటారు. మాంసాహారులైతే గుడ్డుని ఎక్కువగా ప్రిఫర్ చేస్తూ ఉంటారు. అయితే, బరువు తగ్గాలనుకునే వాళ్ళు గుడ్డు తీసుకుంటే మంచిదా..? పన్నీర్ ని తీసుకుంటే మంచిదా అనే విషయానికి ఇప్పుడు వచ్చేద్దాం. గుడ్డులో శరీరానికి కావాల్సిన విటమిన్స్, మినరల్స్ అందుతాయి. గుడ్డులో తొమ్మిది గ్రాముల ప్రోటీన్స్ ఉంటాయి.
కొవ్వు శాతం గుడ్డులో ఎక్కువగా ఉంటుంది. 44 గ్రాముల గుడ్డులో 5.5 గ్రాములు ప్రోటీన్, 4.2 గ్రాముల కొవ్వు ఉంటుంది. అలానే, క్యాల్షియం, ఇనుము, మెగ్నీషియం ఇతర పోషకాలు కూడా బానే ఉంటాయి. అదే పన్నీర్ లో చూసుకున్నట్లయితే, 40 గ్రాముల పన్నీర్ లో 7.54 ప్రోటీన్ ఉంటుంది. ఐదు గ్రాముల వరకు కొవ్వు ఉంటుంది. అయితే గుడ్డు, పన్నీర్ రెండిట్లో కూడా ఒకే విధమైన పోషక విలువలు ఉంటాయి.
ప్రోటీన్ రెండిట్లో కూడా ఎక్కువగానే ఉంటుంది. గుడ్డులో విటమిన్ బి12, విటమిన్ డి ఎక్కువ ఉంటాయి. ఈ రెండు కూడా ఆరోగ్యానికి మంచిది. బరువు తగ్గాలని అనుకునేవాళ్లు, ఈ రెండిట్లో దేనినైనా తీసుకోవచ్చు. అయితే, శాకాహారులు గుడ్డును తీసుకోరు కాబట్టి పన్నీర్ ని తీసుకోవడం ఉత్తమం. బరువు తగ్గాలనుకునే శాకాహారులు పన్నీర్ తింటే, గుడ్డు తిన్న అంత ఫలితం ఉంటుంది. సోయా ఉత్పత్తులు, చిక్కుళ్ళు వంటివి తీసుకుంటే కూడా ప్రోటీన్ బాగానే అందుతుంది.
