KGF : క‌న్న‌డ చిత్ర ప‌రిశ్ర‌మ స్థాయిని పెంచిన చిత్రం కేజీఎఫ్. ప్రశాంత్ నీల్ దర్శకత్వంలో రిలీజైన చిత్రం అనేక సంచ‌ల‌నాలు క్రియేట్ చేసింది. ఈ సినిమా సూప‌ర్ హిట్ కావ‌డంతో కేజీఎఫ్ చిత్రానికి సీక్వెల్‌గా కేజీఎఫ్ ఛాప్టర్‌2 చిత్రం చేశారు.. కేజీఎఫ్‌కు సీక్వెల్‌గా తెరకెక్కిన ఈ సినిమా సంచలన విజయం సాధించింది. యశ్‌ మాస్‌ యాక్షన్‌కు తోడు ప్రశాంత్ టేకింగ్‌కు అందరూ ఫిదా అయ్యారు. ఈ సినిమా బాక్సాఫీస్ వద్ద ఈ మూవీ ఆల్ టైం హైయ్యెస్ట్ గ్రాసర్ గా నిలిచింది. ఆర్‌ఆర్‌ఆర్‌ తర్వాత ఆ స్థాయి వసూళ్లు సాధించిన ఈ సినిమా ఓటీటీలోనూ సత్తాచాటింది. కేజీఎఫ్2లో శ్రీనిధి శెట్టి హీరోయిన్‌గా నటించగా.. రవీనా టాండన్, సంజయ్ దత్, ప్రకాష్ రాజ్ తదితరులు కీలక పాత్రల్లో నటించారు.
కేజీఎఫ్, కేజీఎఫ్ 2 సినిమాల్ని నిర్మించిన హోంబలే ఫిల్మ్స్ సౌత్‌ ఇండియాలోని పెద్ద నిర్మాణ సంస్థల్లో ఒకటిగా నిలిచింది. అలానే ‘కాంతార’ సినిమా హిట్‌తో ఊహించని విధంగా డబ్బుతో పాటు హోంబలే ఫిల్మ్స్‌కి మంచి పేరు కూడా వచ్చింది. ప్రస్తుతం ప్రభాస్ హీరోగా నటిస్తున్న సలార్ 2 మూవీని కూడా ఈ హోంబలే ఫిల్మ్స్ నిర్మిస్తుండ‌గా, ఇది కూడా హిట్ అయితే నిర్మాణ రంగంలో హోంబలే దూసుకుపోవ‌డం ఖాయం. ప్రశాంత్ నీల్ వద్ద కేజీఎఫ్-3కి సంబంధించి స్టోరీ లైన్ ఉందని, రాబోవు 5 ఏళ్లలో హోంబలే ఫిల్మ్స్ రూ. 3,000 కోట్లు చిత్ర నిర్మాణంలో పెట్టబోతున్నట్లు కూడా వార్త‌లు వ‌స్తున్నాయి.
అయితే కేజీఎఫ్ వంటి చిత్రాలు ఇటీవ‌ల ప్రేక్ష‌కుల‌ని అంత‌గా అల‌రిస్తున్నాయి. అయితే చిరంజీవి ఎప్పుడో కేజీఎఫ్ లాంటి చిత్రం చేశాడ‌ట. ఆ సినిమా మరేదో కాదు రాక్ష‌సుడు సినిమా. కేజీఎఫ్ సినిమాలో య‌ష్ కు త‌ల్లి మాత్ర‌మే ఉంటుంది. అదే విధంగా రాక్ష‌సుడు సినిమాలో కూడా వితంతు మ‌హిళ బిడ్డ‌కు జ‌న్మ‌నిస్తుంది. ఆ ఊరి పెద్ద దానిని ఆమోదించ‌క బిడ్డ‌ను పారేయ‌గా ఓ తాగుబోతు చేతికి దొరుకుతాడు. ఆ తాగుబోతు అబ్బాయిని పెంచి లేబ‌ర్ క్యాంప్ కు విక్ర‌యించాల‌ని చూస్తాడు. అప్పుడు త‌ల్లిని వెతుక్కుంటూ వెళ‌తాడు. ఆ క్ర‌మంలో త‌ల్లిని ఎలా చేర‌తాడు అన్న‌దే సినిమా క‌థ. కేజీఎఫ్ క‌థ మాదిరిగానే ఉన్న రాక్ష‌సుడు సినిమా కూడా సూప‌ర్ హిట్ విజయం సాధించింది.
