Viral Photo : ఇటీవ‌లి కాలంలో సెల‌బ్రిటీల చిన్న‌నాటి పిక్స్ సోష‌ల్ మీడియాలో తెగ హ‌ల్‌చ‌ల్ చేస్తున్నాయి. త‌మ అభిమాన హీరో, హీరోయిన్స్ పిక్స్ చూసి ఫ్యాన్స్ తెగ ఖుష్ అవుతున్నారు. తాజాగా పంజాబీ ముద్దుగుమ్మ‌కి సంబంధించిన చిన్న‌నాటి పిక్ ఒక‌టి నెట్టింట హ‌ల్‌చ‌ల్ చేస్తుంది. ఇందులో సైకిల్‌పై కూర్చొని క్యూట ఎక్స్ ప్రెషన్స్ ఇస్తూ క‌నిపించింది. మ‌రి ఈ చిన్నారి ఎవ‌రో ఇప్ప‌టికే మీకు ఒక ఐడియా వ‌చ్చి ఉంటుంది. ఆమె మ‌రెవ‌రో కాదు మెహ్రీన్. 2013లో మిస్ సౌత్ ఆసియా కెనడా పర్సనాలిటీగా నిలిచిన ఈ అమ్మ‌డు ప‌లు బ్రాండ్స్‌కి ప‌ని చేయ‌గా, ఆ తర్వాత కమర్షియల్ యాడ్స్ లోనూ నటించి గుర్తింపు తెచ్చుకుంది.
టాలీవుడ్ లో ‘కృష్ణగాడి వీరప్రేమగాధ’ సినిమాతో హీరోయిన్ గా ఎంట్రీ ఇచ్చింది. ఈ మూవీ హిట్ కావడంతో పాటు మెహ్రీన్ నటనని చాలామంది మెచ్చుకున్నారు. లుక్స్ పరంగా నటన పరంగా ఈ అమ్మడికి మంచి మార్కులు పడ్డాయి. ఆ తర్వాత మెహరీన్ కు వరుస అవకాశాలు క్యూ కట్టాయి. బ్యాక్ టు బ్యాక్ సినిమాలతో దూసుకుపోయియిన ఈ భామ తెలుగుతో పాటు తమిళ పంజాబీ హిందీ భాషల్లోనూ సినిమాలు చేసింది ఈ బ్యూటీ. అయితే ఇటీవల వరుస ఫ్లాప్‌లు పలకరించాయి. ఫ్లాపుల‌తో స‌త‌మ‌తం అవుతున్న స‌మ‌యంలో ఇటీవల ఎఫ్3 సినిమాతో ప్రేక్షకుల ముందుకు వచ్చింది మెహరీన్. అనీల్ రావిపూడి దర్శకత్వంలో వచ్చిన ఈ సినిమా మంచి విజయాన్ని అందుకుంది. ఎఫ్ 2 కి సీక్వెల్ గా వచ్చిన ఈ సినిమా కూడా హిట్ అయ్యింది.
ఆ మ‌ధ్య మెహ్రీన్ పెళ్లి వార్తలు ఓ రేంజ్‌లో వైరల్ అయ్యాయి. ఎంగేజ్మెంట్ ఫోటోలు షేర్ చేసి, కాబోయే భర్త గురించి కూడా చెప్పింది. కానీ చివరకు పెళ్లి మాత్రం పెటాకులైంది.ఆ తర్వాత మెహ్రీన్ తన ఫోకస్ అంతా సినిమాల మీదే పెట్టినట్టు కనిపిస్తోంది. ఈ క్రమంలో మెహ్రీన్ ఇటీవల మొహానికి చికిత్స తీసుకుంటున్నట్టుగా తెలుస్తోంది. చైనీస్ శాస్త్రియ వైద్య పద్దతైన ఆక్యూపంక్చర్‌ను మెహ్రీన్ ఎంచుకుంది. మ్యాజిక్ విత్ నీడిల్స్.. ఇదో అద్భుతమైన పనితనం.. ఆక్యూస్కిన్ లిఫ్ట్ మెథడ్ అంటూ తను చేయించుకుంటున్న చికిత్స పేరు చెప్పింది. త్వ‌ర‌లో ఈ అమ్మ‌డు దుబాయ్ లేదా లండన్‌కు వెళ్లేట్టు కనిపిస్తోంది.
