ఫూల్ మఖానా లేదా తామరగింజలు లేదా ఫాక్స్ నట్స్.. ఈ మధ్య కాలంలో బాగా పాపులర్ అయిన ఆహారం. సాధారణంగా వీటిని డ్రై ఫ్రూట్స్ లో భాగంగా తీసుకుంటారు. ఇవి తక్షణ శక్తిని ఇస్తాయి. ఎక్కువ సేపు కడుపు నిండుగా ఉన్న ఫీల్ ఇస్తాయి. చాలామంది ఫూల్ మఖానాను నెయ్యిలో వేయించి తింటుంటారు. మరికొందరు డ్రై రోస్ట్ చేస్తుంటారు. ఇంకొందరు పాలలో కలిపి తింటూంటారు. అయితే ఫూల్ మఖానా ఎలా తింటే ఎక్కువ లాభాలు ఉంటాయి? ఎలా తింటే ఇది శరీరంలో కొవ్వు తగ్గిస్తుంది? తెలుసుకుంటే.. నెయ్యిలో కాల్చిన మఖానా అద్భుతమైన, ఆరోగ్యకరమైన అల్పాహారం. ఇందులో తక్కువ కొవ్వు, అధిక ప్రోటీన్ కంటెంట్ ఉంటాయి. బరువు తగ్గించుకుంటూ ఆరోగ్యకరమైన జీవనశైలిని కొనసాగించాలనుకునే వారికి ఇది ఉత్తమ ఎంపిక. మఖానాను నెయ్యిలో వేయించడం వల్ల దాని రుచి చాలా బాగుంటుంది. వెన్నలా ఉంటుంది. రుచిని మెరుగుపరచడానికి కొద్దిగా ఉప్పు, మిరియాల పొడి కూడా జోడించవచ్చు.
నెయ్యిలో ఆరోగ్యకరమైన కొవ్వులు ఉంటాయి. విటమిన్ ఎ, డి, ఇ, కె వంటి అవసరమైన పోషకాలను కలిగి ఉంటుంది. మఖానాను నెయ్యిలో కాల్చినప్పుడు అది విత్తనాల పోషక విలువలను పెంచుతుంది. సమతుల్య, పోషకమైన అల్పాహారంగా నెయ్యిలో వేయించిన మఖానాను తీసుకోవచ్చు. నెయ్యిలో బ్యూట్రిక్ యాసిడ్ ఉంటుంది. ఇది జీర్ణక్రియకు సహాయపడుతుంది. మఖానాను నెయ్యిలో వేయించి తింటే తేలికగా జీర్ణమవుతుంది. నెయ్యి శక్తిని అందిస్తుంది. మఖానాను నెయ్యిలో వేయించినప్పుడు మరింత శక్తిని పెంచుతుంది. అందుకే చాలామంది వీటిని ఉపవాస సమయంలో తరచుగా అల్పాహారంగా తీసుకుంటారు.
నెయ్యిలో ఉండే యాంటీఆక్సిడెంట్ లక్షణాలు మఖానాతో కలిపినప్పుడు ఫ్రీ రాడికల్స్, ఆక్సీకరణ ఒత్తిడి నుండి శరీరాన్ని రక్షించడంలో సహాయపడ‌తాయి. నెయ్యిలో వేయించిన మఖానాలో తక్కువ సోడియం కంటెంట్ ఉంటుంది. ఇది కొలెస్ట్రాల్ స్థాయిలను నియంత్రించడంలో సహాయపడుతుంది.
