ఇండస్ట్రీలోకి కొంతమంది హీరోలు అయ్యేందుకు వచ్చి నేరుగా హీరో అయిపోతే.. మరి కొంతమంది మాత్రం హీరోగా అవకాశం రావడానికి ఎంతో కష్టపడుతూ ఉంటారు. దానికోసం అసిస్టెంట్ డైరెక్టర్లుగా అవతారం ఎత్తుతారు. ఇక ఇండస్ట్రీలో డైరెక్టర్ గా ఛాన్స్ రావాలంటే దాదాపు కొన్ని సినిమాలలో అసిస్టెంట్ డైరెక్టర్ గా పనిచేసిన అనుభవం ఉండాలి. అసిస్టెంట్ డైరెక్టర్ గా నేర్చుకున్న మెలుకువలు దర్శకుడిగా మారిన తర్వాత చాలా ఉపయోగపడతాయి. ఇండస్ట్రీలో దర్శకులైన వారందరూ ఎవరో ఓ దర్శకుడి దగ్గర అసిస్టెంట్ గా పనిచేసిన వారే. అలా మొదట అసిస్టెంట్ డైరెక్టర్ గా పనిచేసి స్టార్ డైరెక్టర్ గా మారిన పదిమంది దర్శకుల గురించి ఇప్పుడు తెలుసుకుందాం..
బాక్సాఫీస్ వద్ద వరుస హిట్ సినిమాలతో దూసుకు వెళ్తున్న అనిల్ రావిపూడి మొదట అసిస్టెంట్ డైరెక్టర్ గా పని చేసిన వారే. కందిరీగ, ఆగడు చిత్రాలకు అనిల్ రావిపూడి అసిస్టెంట్ డైరెక్టర్ గా పనిచేశారు. తెలుగు చలనచిత్ర పరిశ్రమలో టాప్ డైరెక్టర్ల‌లో ఒక‌రు అయిన సుకుమార్ వివి వినాయక్ దిల్ చిత్రానికి అసిస్టెంట్ డైరెక్టర్ గా పనిచేశారు. భద్ర, వర్షం, ఈశ్వర్ చిత్రాలకి వంశీ పైడిపల్లి అసిస్టెంట్ డైరెక్టర్ గా పనిచేశారు. స్టార్ డైరెక్టర్ సుకుమార్ వద్ద బుచ్చిబాబు చాలా సినిమాలకు అసిస్టెంట్ డైరెక్టర్ గా పనిచేసి ఉప్పెన చిత్రంతో మంచి విజయాన్ని సాధించారు.
హను ఏలేటి వద్ద అసిస్టెంట్ డైరెక్టర్ గా పని చేసిన హను రాఘవపూడి అందాల రాక్షసి, కృష్ణగాడి వీరప్రేమగాధ వంటి చిత్రాలను తెరకెక్కించారు. స్టార్ డైరెక్టర్ మణిరత్నం దగ్గర దాదాపు 7 సంవత్సరాలపాటు అసిస్టెంట్ డైరెక్టర్ గా పని చేశారు సుధా కొంగర. స్టార్ డైరెక్టర్ త్రివిక్ర‌మ్ అ ఆ చిత్రానికి అసిస్టెంట్ డైరెక్టర్ గా వర్క్ చేశారు వెంకీ కుడుముల. డైరెక్టర్ శేఖర్ కమ్ముల వద్ద అసిస్టెంట్ డైరెక్టర్ గా వర్క్ చేశారు నాగ్ అశ్విన్. కిరణ్ దర్శకత్వంలో నాగార్జున హీరోగా వచ్చిన కేడి సినిమాకి అసిస్టెంట్ డైరెక్టర్ గా పనిచేశారు సందీప్ రెడ్డి వంగ. సెన్సేషనల్ డైరెక్టర్ రామ్ గోపాల్ వర్మ వద్ద పూరి జగన్నాథ్ అసిస్టెంట్ డైరెక్టర్ గా పని చేశారు.
