Coconut Oil : కొబ్బ‌రినూనె అంటే స‌హ‌జంగానే చాలా మందికి జుట్టుకు రాసుకునే నూనె గుర్తుకు వ‌స్తుంది. కానీ వాస్త‌వానికి ఈ నూనెతో మ‌న‌కు ఎన్నో ఆరోగ్య‌క‌ర‌మైన ప్రయోజనాలు క‌లుగుతాయి. కొబ్బ‌రినూనె వ‌ల్ల ప‌లు వ్యాధుల‌ను త‌గ్గించుకోవ‌చ్చు. రోజూ రాత్రి నిద్ర‌కు ముందు ఒక టీస్పూన్ కొబ్బ‌రినూనెను తీసుకోవ‌డం వ‌ల్ల అనేక విధాలైన ప్రయోజనాలు క‌లుగుతాయి. అవేమిటో ఇప్పుడు తెలుసుకుందాం.
1. రోజూ రాత్రి ఒక టీస్పూన్ కొబ్బ‌రినూనెను తాగ‌డం వ‌ల్ల మ‌ల‌బ‌ద్ద‌కం స‌మ‌స్య నుంచి శాశ్వ‌తంగా బ‌య‌ట పడవచ్చు. రోజూ సుఖం, సుల‌భంగా విరేచ‌నం అవుతుంది. జీర్ణ స‌మ‌స్య‌లు ఉండ‌వు. గ్యాస్‌, అసిడిటీ, అజీర్ణం స‌మ‌స్య‌ల నుంచి బ‌య‌ట పడవచ్చు.
2. కొబ్బ‌రినూనెను తీసుకోవ‌డం వ‌ల్ల శ‌రీరం మ‌నం తినే ఆహారాల్లో ఉండే పోష‌కాల‌ను స‌రిగ్గా శోషించుకుంటుంది. దీంతో పోష‌కాహార లోపం స‌మ‌స్య త‌లెత్త‌కుండా జాగ్ర‌త్త పడవచ్చు.
3. కొబ్బ‌రినూనెలో మ‌న శ‌రీరానికి ఉప‌యోగ‌ప‌డే ఆరోగ్య‌క‌ర‌మైన కొవ్వులు ఉంటాయి. ఇవి కొలెస్ట్రాల్‌ను త‌గ్గిస్తాయి. గుండె ఆరోగ్యాన్ని సంర‌క్షిస్తాయి. దీంతో హార్ట్ ఎటాక్‌లు రాకుండా చూసుకోవ‌చ్చు.
4. చ‌ర్మ స‌మ‌స్య‌లు ఉన్న‌వారు రోజూ రాత్రి కొబ్బ‌రినూనెను తాగ‌డం వ‌ల్ల ఎంతో ఫ‌లితం ఉంటుంది. చ‌ర్మం కాంతివంతంగా మారుతుంది. మెరుస్తుంది. య‌వ్వ‌నంగా క‌నిపిస్తారు. ముడ‌త‌లు, మ‌చ్చ‌లు తగ్గుతాయి. చ‌ర్మం మృదువుగా మారుతుంది. తేమ‌గా ఉంటుంది.
5. సాధార‌ణంగా మ‌న జుట్టులో ఎల్ల‌ప్పుడూ స‌హ‌జ‌సిద్ధ‌మైన తైలం ఉత్ప‌త్తి అవుతుంది. దీంతో జుట్టు జిడ్డుగా ఉంటుంది. అయితే కొంద‌రికి ఇలా జ‌ర‌గ‌దు. దీని వ‌ల్ల జుట్టు పొడిబారి ఉంటుంది. అలాంటి వారు కొబ్బ‌రినూనెను తాగితే ప్ర‌యోజ‌నం ఉంటుంది. జుట్టులో తైల గ్రంథులు స‌రిగ్గా ప‌నిచేస్తాయి. అవి స‌హ‌జ‌సిద్ధ‌మైన తైలాన్ని ఉత్ప‌త్తి చేస్తాయి. దీంతో జుట్టు నిగ నిగ‌లాడుతుంది. జుట్టు కుదుళ్ల‌కు పోష‌ణ ల‌భిస్తుంది. శిరోజాలు దృఢంగా, ఆరోగ్యంగా మారుతాయి.
6. అధిక బ‌రువు త‌గ్గాల‌నుకునే వారికి కొబ్బ‌రినూనె ఎంత‌గానో మేలు చేస్తుంది. కొబ్బ‌రినూనెలో ఉండే ఆరోగ్య‌క‌ర‌మైన కొవ్వులు కొలెస్ట్రాల్‌ను త‌గ్గిస్తాయి. కొవ్వు క‌రిగేలా చేస్తాయి. దీంతో అధిక బ‌రువు త‌గ్గుతారు.
7. థైరాయిడ్ స‌మ‌స్య‌లు ఉన్న‌వారు, షుగ‌ర్ ఉన్న‌వారు కొబ్బ‌రినూనెను తీసుకోవ‌డం వ‌ల్ల ఆయా స‌మ‌స్య‌ల నుంచి విముక్తి పొంద‌వ‌చ్చు.
