ఉద‌యం నిద్ర‌లేవ‌గానే చాలా మంది టీ, కాఫీల‌ను తాగుతూ ఉంటారు. ఈ అల‌వాటు మ‌న‌లో చాలా మందికి ఉంటుంది. ఇలా ఉద‌యం నిద్ర‌లేవ‌గానే టీ, కాఫీల‌ను తాగ‌డానికి బ‌దులుగా వాటి స్థానంలో గోరు వెచ్చని నీటిని తాగ‌డం వ‌ల్ల మన ఆరోగ్యానికి ఎంతో మేలు క‌లుగుతుంది. ఉద‌యం ప‌ర‌గ‌డుపున గోరు వెచ్చని నీటిని లేదా కొద్దిగా వేడిగా ఉండే నీటిని తాగ‌డం వ‌ల్ల మనకు క‌లిగే ఆరోగ్య‌క‌ర‌మైన ప్ర‌యోజ‌నాల గురించి ఇప్పుడు తెలుసుకుందాం.
ప‌ర‌గ‌డుపున వేడి నీటిని తాగ‌డం వ‌ల్ల మనకు జీర్ణ సంబంధిత స‌మ‌స్య‌లు రాకుండా ఉంటాయి. గ్యాస్, మ‌ల‌బ‌ద్ద‌కం వంటి స‌మ‌స్య‌లు దూర‌మ‌వుతాయి. అలాగే ఉద‌యం ఖాళీ కడుపుతో వేడి నీటిని తాగ‌డం వ‌ల్ల శ‌రీరంలో పేరుకుపోయిన చెడు కొవ్వు కరిగి మ‌నం బ‌రువు త‌గ్గే అవ‌కాశం కూడా ఉంటుంద‌ని నిపుణులు చెబుతున్నారు. అలాగే వేడి నీటిని తాగ‌డం వ‌ల్ల శ‌రీరంలో ర‌క్త‌ప్ర‌స‌ర‌ణ వ్య‌వ‌స్థ కూడా మెరుగుప‌డుతుంది. ఈ విధంగా వేడి నీటిని తాగ‌డం వ‌ల్ల మనకు జలుబు, జ్వ‌రం, ద‌గ్గు, గొంతునొప్పి వంటి స‌మ‌స్య‌ల నుండి త్వ‌ర‌గా ఉప‌శ‌మ‌నం క‌ల‌గ‌డ‌మే కాకుండా వాటి బారిన కూడా మ‌నం త్వ‌ర‌గా ప‌డకుండా ఉంటాం.
ప‌ర‌గ‌డుపున వేడి నీటిని తాగ‌డం వ‌ల్ల మన శ‌రీరంలో ఉండే అవ‌య‌వాల ప‌ని తీరు మెరుగుప‌డుతుంది. అంతేకాకుండా మన శ‌రీరంలో జీవ‌క్రియ‌ల రేటు కూడా పెరుగుతుంది. ప‌ర‌గ‌డుపున వేడి నీటిని తాగ‌డం వ‌ల్ల మన శ‌రీరంలో రోగ నిరోధ‌క శ‌క్తి కూడా పెరుగుతుంది. వేడి నీటిని తాగ‌డం వ‌ల్ల మన శ‌రీరంలో నాడీ మండ‌ల వ్య‌వ‌స్థ ప‌నితీరు కూడా మెరుగుప‌డుతుంది.
ఇలా ప‌ర‌గ‌డుపున వేడి నీటిని తాగ‌డం వ‌ల్ల మాన‌సిక ఒత్తిడి, ఆందోళ‌న త‌గ్గి మాన‌సిక ప్ర‌శాంత‌త ల‌భిస్తుంది. అదేవిధంగా చ‌ర్మం, జుట్టు ఆరోగ్యం కూడా మెరుగుప‌డుతుంది. ఈ విధంగా ప్ర‌తి రోజూ ప‌ర‌గ‌డుపున ఒక గ్లాస్ వేడి నీటిని తాగ‌డం వ‌ల్ల మన శ‌రీరానికి ఎంతో మేలు క‌లుగుతుంద‌ని.. ఇలా నీటిని తాగ‌డం ప్ర‌తి ఒక్క‌రూ అల‌వాటు చేసుకోవాల‌ని నిపుణులు సూచిస్తున్నారు.
