Honey With Milk : పాలు, తేనె.. ఇవి రెండూ మనకు ఎన్నో రకాల ఆరోగ్యకర ప్రయోజనాలను అందిస్తాయి. అయితే వీటిని కలిపి రోజూ తీసుకుంటే దాంతో అనేక లాభాలు కలుగుతాయి. చర్మ సమస్యలకు, శరీరానికి శక్తినిచ్చేందుకు ఈ రెండింటి మిశ్రమం దోహదం చేస్తుంది. తేనెలో యాంటీ ఆక్సిడెంట్, యాంటీ బాక్టీరియల్, యాంటీ ఫంగల్, యాంటీ ఇన్‌ఫ్లామేటరీ గుణాలు ఉండడం వల్ల అనేక అనారోగ్య సమస్యలు నయమవుతాయి. ఇక పాలలో ఉండే విటమిన్ ఎ, బి, డి, కాల్షియం, లాక్టిక్ యాసిడ్‌లు మనకు అద్భుతంగా పోషణను ఇస్తాయి. ఈ క్రమంలోనే రోజూ పాలలో తేనెను కలిపి తాగడం వల్ల ఏయే అనారోగ్యాలను నయం చేసుకోవచ్చో ఇప్పుడు తెలుసుకుందాం.
తేనె, పాలలో యాంటీ మైక్రోబియల్ గుణాలు ఉంటాయి. ఇవి చర్మాన్ని సంరక్షిస్తాయి. చర్మాన్ని శుభ్రం చేస్తాయి. దీంతో చర్మం కాంతివంతంగా, మృదువుగా మారుతుంది. మచ్చలు, మొటిమలు పోతాయి. జీర్ణాశయం, పేగుల్లో చెడు బాక్టీరియా నాశనమవుతుంది. మంచి బాక్టీరియా పెరుగుతుంది. దీంతో జీర్ణ సమస్యలైన గ్యాస్, అసిడిటీ, మలబద్దకం వంటివి నయమవుతాయి. శరీర మెటబాలిజం పెరుగుతుంది. శక్తి త్వరగా అందుతుంది. నిత్యం ఎనర్జీ లెవల్స్ బ్యాలెన్స్‌లో ఉంటాయి. దీంతో రోజంతా యాక్టివ్‌గా ఉంటారు. ఎక్కువ సేపు పనిచేయగలుగుతారు.
ఎముకలు విరిగి ఉన్న వారు, వృద్ధులు, పిల్లలు.. పాలు, తేనె కలుపుకుని తాగితే కాల్షియం శరీరానికి బాగా అందుతుంది. దీంతో ఎముకలు దృఢంగా మారుతాయి. ఎముకలకు పటుత్వం చేకూరుతుంది. కీళ్ల నొప్పులు, వాపులు తగ్గుతాయి. నిద్రలేమి సమస్యలతో బాధపడే వారికి తేనె, పాలు చక్కని ఔషధంగా పనిచేస్తాయి. రోజూ రాత్రి నిద్రపోయేందుకు కనీసం 30 నిమిషాల ముందు ఈ మిశ్రమాన్ని తాగినా చాలు, నిద్ర చక్కగా పడుతుంది. ఉదయాన్నే యాక్టివ్‌గా ఉంటారు. నిద్రలేమి సమస్య దూరమవుతుంది. వయస్సు మీద పడడం వల్ల చర్మంపై వచ్చే ముడతలు రావు. దీంతో ఎప్పటికీ యవ్వనంగా కనిపిస్తారు. వృద్ధాప్యం దరి చేరదు. చర్మానికి సౌందర్యం క‌లుగుతుంది.
పాలలో తేనెను కలుపుకుని నిత్యం తాగడం వల్ల ఇన్‌ఫెక్షన్లు పోతాయి. శరీరంలో ఉండే బాక్టీరియా, వైరస్, ఇతర క్రిములు నశిస్తాయి. శరీర రోగ నిరోధక శక్తి పెరుగుతుంది. జ్వరం, దగ్గు, జలుబు వంటి వ్యాధులు అంత సులభంగా రావు.
