ఎక్సర్ సైజ్ లేదా వ్యాయామం.. ఇంకేదైనా కానీ.. రోజూ శరీరానికి కాసింత అలసట కలిగించాల్సిందే. అబ్బే.. వ్యాయామం చేసేంత టైము మాకెక్కడిది అంటారా? అయితే.. మీరు సిగ‌రెట్ తాగేవాళ్ల కన్నా ఎక్కువ ప్రమాదంలో పడతారు. అవును.. అస్సలు వ్యాయామం చేయని వాళ్లు.. ఒళ్లు కదల్చని వాళ్లు.. బద్దకంగా ఉండేవాళ్లు పొగతాగేవాళ్ల కంటే కూడా ఎక్కువ డేంజర్ లో పడతారట. ఇదేదో మేం చెబుతున్నది కాదు..
యూఎస్ లోని క్లీవ్ లాండ్ క్లీనిక్ రీసెర్చర్స్ ఈ మాట చెబుతున్నారు. వారి పరిశోధనలో భయంకరమైన నిజాలు వెలుగు చూశాయట. క్రమం తప్పకుండా వ్యాయామం చేసేవాళ్లు ఆరోగ్యంగా ఉండటంతో పాటు.. చాలా ఏళ్ల పాటు బతుకుతున్నారట. ఇక… వ్యాయామం చేయని వాళ్లకు పొగతాగేవాళ్ల కన్నా ఎక్కువ ఆరోగ్య సమస్యలు వస్తున్నాయట. మరి.. ఇప్పటికైనా మత్తు వదిలి… శరీరానికి కాసింత పని చెప్పండి.
వ్యాయామం చేయ‌డం అంటే రోజూ భారీగా బ‌రువుల‌ను ఎత్తాల్సిన ప‌నిలేదు. రోజుకు కేవ‌లం 30 నిమిషాల పాటు తేలిక‌పాటి వాకింగ్ చేసినా చాల‌ని సైంటిస్టులు చెబుతున్నారు. వాకింగ్ చేసినా కూడా అనేక ఆరోగ్య ప్ర‌యోజ‌నాల‌ను పొంద‌వ‌చ్చ‌ని వారు చెబుతున్నారు. వాకింగ్ వ‌ల్ల అధిక బ‌రువు త‌గ్గుతారు. షుగ‌ర్‌, కొలెస్ట్రాల్ అదుపులోకి వ‌స్తాయి. ఇంకా ఎన్నో లాభాలు క‌లుగుతాయి. క‌నుక భారీ వ్యాయామాలు చేయాల్సిన పని లేకుండా, కేవ‌లం వాకింగ్ చేస్తే చాలు, ఆరోగ్యంగా ఉండ‌వ‌చ్చు.
