మార్కెట్లో కనిపించిన ప్రతి వస్తువు తీసుకువచ్చి వాడినా అందంగా కనిపించడం లేదని బాధపడుతున్నారా? ఎన్ని ఫేస్ క్రీములు అప్లై చేసినా ఇసుమంతైనా అందం పెరగట్లేదని ఆలోచిస్తున్నారా? అయితే ఇది మీకోసమే. అందంగా కనిపించడానికి ఎన్నో రకాల ప్రొడక్టులు వాడటం ముఖ్యం కాదు. మీకు ఎలాంటి అలవాట్లు ఉన్నాయనేది కూడా లెక్కలోకి వస్తుంది. అందంగా కనిపించడానికి అలవాటు చేసుకోవాల్సింది ఏంటంటే.. కావాల్సినన్నీ నీళ్ళు తాగండి. రోజులో కనీసం మూడు నుండి నాలుగు లీటర్ల నీళ్ళైనా తాగడం మంచిది.
బ్రష్ చేసుకునేటపుడు టూత్ పేస్ట్ ఎక్కువగా వాడకండి. టూత్ పేస్ట్ ఎక్కువగా వాడడం వల్ల దంతాలకి ఇబ్బంది కలుగుతుంది. మీ శరీరానికి తగిన ప్రొడక్టులని మాత్రమే వాడాలి. రెగ్యులర్ గా బ్రాండ్లని మారుస్తూ ఉండకండి. తాజా కూరగాయలు, డ్రై ఫ్రూట్స్ తినండి. కనీసం 6 నుండి 8 గంటల నిద్ర చాలా అవసరం. నిద్ర సరిగ్గా లేకపోతే అందంగా కనిపించలేరు. చిన్న చిన్న సమస్యలకి మెడిసిన్ వరకు వెళ్ళకండి. జలుబు, తలనొప్పి వంటి వాటికి రెగ్యులర్ గా మెడిసిన్ వాడటం కరెక్ట్ కాదు. వాష్ రూమ్ కి వెళ్ళినపుడు పూర్తిగా క్లియర్ చేసుకోండి.
మీకు ఏ బట్టలు సరిగ్గా నప్పుతాయో తెలుసుకోండి. మరీ బిగుతుగా ఉండే వాటికి దూరంగా ఉండండి. ప్రొద్దున లేవగానే కనీసం అరగంట వ్యాయామం, యోగా, ధ్యానం చేయండి. అలాగే సాయంత్రం పూట వాకింగ్ చేస్తే బెటర్. దీనివల్ల శరీరం చాలా ఫిట్ గా ఉంటుంది. సైక్లింగ్ చేస్తే ఇంకా నయం. చిన్నపాటి దూరాలకి వెళ్ళడానికి సైకిల్ వాడండి. ప్రతీదానికి ఉంది కదా అని బైక్ స్టార్ట్ చేస్తూ ఉండకండి. ఇవన్నీ పాటిస్తుంటే శరీరం అందంగా తయారై, మనసు కూడా బాగుంటుంది. మీరు బాగున్నారు అన్న ఫీలింగ్ మిమ్మల్ని మరింత బాగా ఉంచుతుంది. ముందుగా మిమ్మల్ని మీరు నమ్మండి.
