Black Cumin Seeds : ప్రస్తుత తరుణంలో చాలా మంది అధిక బరువు, షుగర్, హై కొలెస్ట్రాల్ లెవల్స్ సమస్యలతో సతమతం అవుతున్నారు. ఈ సమస్యలను ముందుగానే గుర్తించి చికిత్స తీసుకోవాల్సి ఉంటుంది. లేదంటే గుండె జబ్బులు, హార్ట్ ఎటాక్ లు వచ్చేందుకు అవకాశాలు ఉంటాయి. తీవ్రమైన వ్యాధులు కూడా వస్తాయి. కనుక ఈ సమస్యలు ఉన్నవారు అసలు నిర్లక్ష్యం చేయరాదు.
శరీరంలో షుగర్ లెవల్స్ అధికంగా ఉంటే ఎలాంటి లక్షణాలు కనిపిస్తాయో అందరికీ తెలుసు. అతిగా దాహం అవుతుంది. ఆకలి కూడా కొందరికి ఎక్కువగానే ఉంటుంది. చర్మంపై దద్దుర్లు, దురదలు వస్తుంటాయి. గాయాలు త్వరగా మానవు. మూత్ర విసర్జనకు ఎక్కువ సార్లు వెళ్లాల్సి వస్తుంది. నోట్లో నాలుకపై అంతా తెల్లగా మారుతుంది. ఇలా షుగర్ ఉన్నవారిలో పలు లక్షణాలు కనిపిస్తాయి.
అదే కొలెస్ట్రాల్ లెవల్స్ అధికంగా ఉంటే ఛాతిలో నొప్పి.. శ్వాస తీసుకోవడంలో ఇబ్బందులు, అలసట, నీరసం వంటి సమస్యలు వస్తాయి. కనుక ఈ లక్షణాలు ఎవరిలో అయినా ఉంటే ఏమాత్రం నిర్లక్ష్యం చేయరాదు. వెంటనే డాక్టర్ను కలిసి పరీక్షలు చేయించుకోవాలి. ఏదైనా ఉన్నట్లు తేలితే డాక్టర్ సూచన మేరకు మందులను వాడుకోవాలి.
ఇక అధిక బరువు, షుగర్, కొలెస్ట్రాల్ లెవల్స్.. ఈ మూడు సమస్యలకు నల్ల జీలకర్ర అద్భుతంగా పనిచేస్తుంది. ఈ ఒక్కదాన్ని రోజూ తీసుకుంటే చాలు.. క్రమంగా ఈ సమస్యల నుంచి బయట పడవచ్చు. నల్ల జీలకర్రను రోజూ అర టీస్పూన్ మోతాదులో తీసుకోవాల్సి ఉంటుంది. దీని పొడిని తేనెతో కలిపి ఉదయాన్నే పరగడుపున తీసుకోవచ్చు. లేదా అర టీస్పూన్ గింజలను నీటిలో వేసి మరిగించి ఆ నీళ్లను పరగడుపునే తాగవచ్చు.
ఇలా నల్లజీలకర్రను తీసుకోవడం ద్వారా ఈ మూడు సమస్యలకు ఒకేసారి చెక్ పెట్టవచ్చు. వీటి వల్ల షుగర్ లెవల్స్, కొలెస్ట్రాల్ లెవల్స్ తగ్గుతాయి. రక్త నాళాల్లో పేరుకుపోయిన కొవ్వు తొలగిపోతుంది. దీంతో హార్ట్ ఎటాక్లు రాకుండా ఉంటాయి. అలాగే అధిక బరువు తగ్గుతారు. వీటిని కనీసం నెల రోజుల పాటు రోజూ క్రమం తప్పకుండా తీసుకోవాలి. అప్పుడే ఆశించిన మేర ఫలితాలు వస్తాయి. సమస్య మరీ ఎక్కువగా ఉంటే ఇంకా ఎక్కువ రోజుల పాటు వీటిని తీసుకోవాల్సి ఉంటుంది.