Beauty Tips : జుట్టు అనేది అందంగా.. ఆరోగ్యంగా ఉంటేనే ఎవ‌రికైనా చూసేందుకు చాలా సంతృప్తిగా అనిపిస్తుంది. అంద విహీనంగా.. చిట్లిపోయి.. కాంతిలేకుండా ఉంటే ఎవ‌రూ జుట్టును చూసేందుకు ఇష్ట‌ప‌డరు. అయితే ఇందుకు గాను క్రీములు గ‌ట్రా వాడాల్సిన ప‌నిలేదు. మ‌న ఇంట్లో ల‌భించే స‌హ‌జ‌సిద్ధ‌మైన ప‌దార్థాల‌తోనే జుట్టును నిగ‌నిగ‌లాడేలా చేయ‌వ‌చ్చు. దీంతో శిరోజాలు కాంతివంతంగా మారి మెరుస్తాయి. మ‌రి అందుకు ఏం చేయాలంటే..
1. కొద్దిగా క‌ల‌బంద గుజ్జును తీసుకుని జుట్టు కుదుళ్ల‌కు త‌గిలేలా బాగా మ‌ర్ద‌నా చేయాలి. త‌రువాత 30 నిమిషాల పాటు జుట్టును అలాగే ఉంచాలి. అనంత‌రం త‌ల‌స్నానం చేయాలి. ఇలా వారంలో 2 సార్లు చేసినా చాలు.. జుట్టు నిగనిగలాడుతూ మెరుస్తుంది.
2. రాత్రి పూట గుప్పెడు మెంతుల‌ను నీటిలో నాన‌బెట్టాలి. మ‌రుస‌టి రోజు ఉద‌యం వాటిని పేస్ట్‌లా చేసి త‌ల‌కు బాగా రాయాలి. అర గంట త‌రువాత త‌ల‌స్నానం చేయాలి. ఇలా వారంలో 2 సార్లు చేస్తే శిరోజాలు కాంతివంతంగా మారుతాయి.
3. స‌గం అర‌టి పండు, 2 టీస్పూన్ల తేనె, ఒక టీస్పూన్ కొబ్బ‌రినూనెల‌ను తీసుకుని బాగా క‌ల‌పాలి. ఈ మిశ్ర‌మాన్ని జుట్టు కుదుళ్ల‌కు త‌గిలేలా ప‌ట్టించాలి. ఒక గంట త‌రువాత త‌ల‌స్నానం చేయాలి. దీంతో జుట్టు మృదువుగా మారుతుంది. కాంతి చేకూరుతుంది. అందంగా క‌నిపిస్తుంది.
4. ముల్తానీ మ‌ట్టిని కొద్దిగా తీసుకుని అందులో ఆవ‌నూనెను కొద్దిగా వేసి పేస్ట్‌లా క‌లుపుకోవాలి. దాన్ని శిరోజాల‌కు బాగా రాయాలి. గంట సేప‌య్యాక త‌ల‌స్నానం చేయాలి. ఈ విధంగా చేస్తుంటే శిరోజాల స‌మ‌స్య‌లు త‌గ్గుతాయి. జుట్టు నిగనిగలాడుతూ క‌నిపిస్తుంది.
5. పెరుగును కొద్దిగా తీసుకుని దాన్ని ఒక వ‌స్త్రంలో చుట్టి అందులో ఉండే నీటిని పూర్తిగా పిండేయాలి. అనంత‌రం గ‌ట్టిగా అయిన పెరుగును జుట్టుకు రాయాలి. గంట సేప‌టి త‌రువాత త‌ల‌స్నానం చేయాలి. దీంతో జుట్టు స‌మ‌స్య‌లు త‌గ్గుతాయి. చుండ్రు నుంచి విముక్తి ల‌భిస్తుంది. శిరోజాలు కాంతివంతంగా మారి మెరుస్తాయి.
