Cracked Skin Foot : మ‌న‌లో చాలా మంది పాదాల ప‌గుళ్ల‌తో బాధ‌ప‌డుతూ ఉంటారు. పాదాల పగుళ్లను తేలిక‌గా తీసుకుంటే అవి మ‌రింత అధిక‌మై తీవ్ర‌మైన నొప్పిని క‌లిగిస్తాయి. వీటి కార‌ణంగా ఒక్కొసారి న‌డ‌వ‌డానికి కూడా ఇబ్బందిప‌డుతూ ఉంటారు. పాదాల్లో పగుళ్లు ఏర్ప‌డ‌డానికి అనేక కార‌ణాలు ఉంటాయి. ఊబ‌కాయం, పాదాల‌ను స‌రిగ్గా శుభ్రం చేసుకోక‌పోవ‌డం, పొడిచ‌ర్మం, శ‌రీరంలో వేడి ఎక్కువ‌వ‌డం వంటి వివిధ కార‌ణాల వ‌ల్ల పాదాల్లో పగుళ్లు ఏర్ప‌డుతూ ఉంటాయి. పాదాల పగుళ్లు అనేవి అంత పెద్ద స‌మ‌స్య కాక‌పోయినా ఇవి చూడ‌డానికి అంద‌విహీనంగా ఉంటాయి. కొన్ని ర‌కాల ఇంటి చిట్కాల‌ను పాటించ‌డం వ‌ల్ల మ‌నం చాలా సులభంగా పాదాల పగుళ్లను త‌గ్గించుకోవ‌చ్చ‌ని నిపుణులు చెబుతున్నారు. పాదాల పగుళ్లను త‌గ్గించే చిట్కాలు ఏమిటి..వీటిని ఎలా ఉప‌యోగించాలి..అన్న వివ‌రాల‌ను ఇప్పుడు తెలుసుకుందాం.
ముందుగా ఒక జార్ లో బంగాళాదుంప ముక్క‌ల‌ను తీసుకోవాలి. త‌రువాత వాటిని మెత్త‌గా మిక్సీ ప‌ట్టుకోవాలి. త‌రువాత వ‌స్త్రంతో లేదా స్ట్రెయిన‌ర్ స‌హాయంతో బంగాళాదుంప మిశ్ర‌మాన్ని వ‌డ‌క‌ట్టి దాని నుండి ర‌సాన్ని తీయాలి. ఈ ర‌సాన్ని పాదాల ప‌గుళ్ల‌పై రాయ‌డం వ‌ల్ల పాదాలు తెల్ల‌గా మార‌డంతో పాటు పగుళ్లు కూడా త‌గ్గుతాయి. అదే విధంగా ఈ బంగాళాదుంప ర‌సంలో, ఒక టీ స్పూన్ టూత్ పేస్ట్, అర చెక్క నిమ్మ‌ర‌సాన్ని వేసి క‌లిపి ఈ మిశ్ర‌మాన్ని ప‌క్కకు ఉంచాలి. త‌రువాత ఒక పెద్ద పాత్ర‌లో లేదా బ‌కెట్ లో గోరు వెచ్చ‌ని నీటిని తీసుకోవాలి. త‌రువాత అందులో రాళ్ల ఉప్పును వేసి ప‌ది నిమిషాల పాటు పాదాల‌ను అందులో ఉంచాలి. త‌రువాత నిమ్మ‌చెక్క‌తో పాదాల‌కు సున్నితంగా మ‌ర్ద‌నా చేసుకోవాలి. త‌రువాత ముందుగా త‌యారు చేసుకున్న బంగాళాదుంప మిశ్ర‌మాన్ని పాదాల‌కు ప‌ట్టించి ఆరిన త‌రువాత శుభ్రం చేసుకోవాలి.
ఇలా చేయ‌డం వ‌ల్ల పాదాలపై పేరుకుపోయిన మురికి, మృత‌క‌ణాలు తొల‌గిపోయి పాదాల పగుళ్లు త‌గ్గుతాయి. ఈ చిట్కాల‌ను వారానికి రెండు సార్లు పాటించాలి. అదే విధంగా ఎక్కువ‌గా షూస్ ధ‌రించే వారు ప్యాడెడ్ షూస్ ను ధ‌రించాలి. ఇలా ధ‌రించ‌డం వ‌ల్ల పాదాల‌కు ఎక్కువ‌గా చెమ‌ట‌ప‌ట్ట‌కుండా ఉంటుంది. పాదాలు ప‌గ‌ల‌కుండా ఉంటాయి. వీటితో పాటు ఉదయం పూట గ‌డ్డిలో చెప్పులు లేకుండా న‌డ‌వాలి. అలాగే బ‌స్త్రిక లాంటి కొన్ని యోగాస‌నాలు వేయాలి. ఇలా చేయ‌డం వ‌ల్ల పాదాల‌కు ర‌క్త‌ప్ర‌స‌ర‌ణ మెరుగుప‌డి పాదాలు ఆరోగ్యంగా ఉంటాయి. వీటిని పాటిస్తూనే శ‌రీరంలో వేడి త‌గ్గేలా నీటిని ఎక్కువ‌గా తాగాలి. ఈ చిట్కాల‌ను పాటించ‌డం వ‌ల్ల పాదాల పగుళ్లు తగ్గ‌డంతో పాటు పాదాలు ఆరోగ్యంగా ఉంటాయి.
