Irregular Periods : ప్ర‌స్తుత కాలంలో మ‌న‌లో చాలా మంది స్త్రీలు, అమ్మాయిలు నెల‌స‌రి స‌మ‌స్య‌ల‌తో బాధ‌ప‌డుతున్నారు. చాలా మంది అమ్మాయిల‌కు నెల‌స‌రి క్ర‌మంగా రావ‌డం లేదు. రెండు నుండి మూడు నెల‌ల‌కొక‌సారి నెల‌స‌రి రావ‌డం, అలాగే ర‌క్త‌స్రావం క‌నీసం 5 రోజుల పాటు కాక‌పోవ‌డం వంటి స‌మ‌స్య‌ల‌తో బాధ‌ప‌డే వారి సంఖ్య రోజురోజుకు పెరుగుతుంద‌నే చెప్ప‌వ‌చ్చు. సాధార‌ణంగా నెల‌స‌రి 21 రోజుల నుండి 40 రోజుల మ‌ధ్య‌లో వ‌స్తుంది. అలాగే 5 నుండి 7 రోజుల పాటు ర‌క్త‌స్రావం అవుతుంది. అయితే నేటి త‌రుణంలో నెల‌స‌రి స‌క్ర‌మంగా రాక‌పోవ‌డంతో పాటు ర‌క్త‌స్రావం కూడా త‌క్కువ‌గా అవుతుంది. నెల‌స‌రి స‌క్ర‌మంగా రాక‌పోవ‌డానికి అనేక కార‌ణాలు ఉన్నాయి. చ‌క్క‌టి పోష‌కాలు క‌లిగిన ఆహారాన్ని తీసుకోక‌పోవ‌డం, జంక్ ఫుడ్ ను ఎక్కువ‌గా తీసుకోవ‌డం, అధిక బరువు, థైరాయిడ్, పిసిఒడి, హార్మోన్ల అస‌మ‌తుల్య‌త వంటి వివిధ కార‌ణాల చేత బ‌హిష్టు ఆల‌స్యంగా వ‌స్తుంది.
దీంతో చాలా మంది అమ్మాయిలు పెళ్లైన త‌రువాత సంతాన లేమి స‌మ‌స్య‌ల‌ను ఎదుర్కొంటున్నారు. ఇటువంటి స‌మ‌స్య‌ల నుండి బ‌య‌ట‌ప‌డాలంటే చ‌క్క‌టి పోష‌కాలు క‌లిగిన ఆహారాన్ని తీసుకోవాలి. పండ్లు, కూర‌గాయ‌ల‌ను ఎక్కువ‌గా తీసుకోవాలి. అధిక బరువు నుండి సాధ్య‌మైనంత త్వ‌ర‌గా బ‌య‌ట‌ప‌డాలి. ప్ర‌తిరోజూ వ్యాయామం, యోగా వంటివి చేయాలి. నీటిని ఎక్కువ‌గా తాగాలి. ఐర‌న్ ఎక్కువ‌గా ఉండే ఆహారాన్ని తీసుకోవాలి. జంక‌ర్ ఫుడ్ కు వీలైనంత దూరంగా ఉండాలి. ఒత్తిడి, ఆందోళ‌న వంటి వాటిని ద‌రి చేర‌నీయ‌కూడ‌దు. ప్ర‌తిరోజూ క‌నీసం 8 గంట‌ల పాటు నిద్ర‌పోవాలి. ఈ నియ‌మాల‌ను పాటిస్తూనే ఒక ఆయుర్వేద చిట్కాను పాటించ‌డం వ‌ల్ల ప్ర‌తినెల బ‌హిష్టు స‌క్ర‌మంగా వ‌స్తుంది. ఈ చిట్కాను పాటించ‌డం కూడా చాలా సుల‌భం.
దీని కోసం ఒక గ్లాస్ గోరు వెచ్చ‌ని నీటిలో అర చెక్క నిమ్మ‌ర‌సం వేసి క‌ల‌పాలి. త‌రువాత చిటికెడు ప‌సుపు, ఒక టీ స్పూన్ జీల‌క‌ర్ర పొడి వేసి క‌ల‌పాలి. త‌రువాత ఇందులో ఒక ట‌మాట నుండి తీసిన ర‌సాన్ని వేసి క‌ల‌పాలి. ఇలా త‌యారు చేసుకున్న నీటిని రోజూ రాత్రి ప‌డుకునే ముందు తాగాలి. ఇలా ఈ నీటిని తాగుతూనే కొద్దిగా బెల్లాన్ని తినాలి. ఇలా తీసుకోవ‌డం వ‌ల్ల బ‌హిష్టు ప్ర‌తినెలా క్ర‌మం త‌ప్ప‌కుండా వ‌స్తుంది. ఈ చిట్కాను వాడ‌డం వ‌ల్ల ఎన్నో రోజుల నుండి ఆగిన బ‌హిష్టు కూడా 3 నుండి 4 రోజుల్లో వ‌స్తుంది. ఈ విధంగా ఈ చిట్కాను వాడ‌డం వ‌ల్ల నెల‌స‌రి స‌క్ర‌మంగా వ‌స్తుంది.
