ఉంగరం… చేతి వేలికి అలంకారప్రాయం… అయితే కొంత మంది అలంకార ప్రాయంగానే కాదు మొక్కు వల్లో, అదృష్టం కలసి వస్తుందనో దాన్ని ధరిస్తారు. ఉంగరాన్ని ధరించడం వరకు బాగానే ఉన్నా దాన్ని మళ్లీ తీయాలంటే అధిక శాతం మంది ఇబ్బందులకు గురవుతుంటారు. ఇక అది బాగా బిగుసుకుపోతే అంతే సంగతులు. ఒక పట్టాన రాదు. నూనె రాసో, సబ్బు పెట్టో, ఇంకా ఏదైనా విధానం ద్వారానో ఉంగరాన్ని తీసేందుకు తీవ్రంగా శ్రమించాల్సి వస్తుంది. అయితే ఇప్పుడా శ్రమంతా లేకుండా కేవలం ఒక చిన్న ట్రిక్ ద్వారా బిగుసుకుపోయిన ఉంగరాన్ని ఎలా తీయవచ్చో ఇప్పుడు తెలుసుకుందాం.
ముందుగా ఒక సన్నని, దృఢమైన తీగను, చిన్న పట్టకారు లాంటి కటింగ్ ప్లేయర్‌ను తీసుకోవాలి. కటింగ్ ప్లేయర్ సహాయంతో తీగను ఉంగరంలోకి చొప్పించి దాని ఓ చివరను ఉంగరానికి ఓ వైపుకి తీసుకురావాలి. దాన్ని అలాగే వదిలేయాలి.
మరో చివరను ఉంగరం చుట్టూ దారంలా చుడుతూ వేలి పైభాగం వరకు అలాగే వెళ్లాలి. తీగ చుట్టడం అయ్యాక దాని చివర వద్ద ఒక చిన్న ముడి వేయాలి. ఇప్పుడు ముందు వదిలి పెట్టిన తీగ చివరను పట్టుకుని చుట్టిన తీగను మళ్లీ బయటకి తీయాలి. దీంతోబాటే ఉంగరం సులభంగా బయటికి వచ్చేస్తుంది. అంతే!
మరింత వివరంగా తెలుసుకోవాలంటే కింద ఇచ్చిన వీడియోను చూడవచ్చు…
