Rudraksha : రుద్రాక్షలు శివుని ప్ర‌తి రూపాలుగా పిల‌వ‌బ‌డుతాయి. ఆత్మసాక్షాత్కారాన్ని పొందడానికి రుద్రాక్షలే అసలైన మార్గమని, రుద్రాక్షలే భూమికీ, స్వర్గానికీ మధ్య వారధి అని పురాణాలు చెపుతున్నాయి. అయితే అంతటి పవిత్రమైన రుద్రాక్షల మీద ప్రయోగాలు ప్రారంభించిన శాస్త్రవేత్తలు వాటి వల్ల కలిగే లాభాలను చూసి ఆశ్చర్యపోతున్నారట. మహిమల పరంగా పక్కకు పెడితే ఆరోగ్యపరంగా రుద్రాక్ష చాలా హెల్ప్ చేస్తుందట.
రుద్రాక్షలు ధరించడం వల్ల ర‌క్త ప్ర‌స‌ర‌ణ స‌రిగ్గా జ‌రిగి గుండె సంబంధిత వ్యాధులు రాకుండా అరికట్టవచ్చట. రుద్రాక్ష శరీరం మీద ఉండడం వల్ల హానికారమైన క్రిములను నాశనం చేస్తుంది. రుద్రాక్ష పూలు మూర్చ, అపస్మారం తలతిప్పుటను దూరం చేస్తాయి. అంతే కాదు కంటికి సంబంధించిన స‌మ‌స్య‌లున్నా.. చ‌ర్మ‌వ్యాధులు ఉన్న రుద్రాక్షలు ధరించడం వ‌ల‌న ఇబ్బందులు తొల‌గుతాయ‌ని చెబుతున్నారు. ముఖ్యంగా నేపాల్‌ రుద్రాక్షలు హృద్రోగ‌ము, రక్తపోటు, బ్రెయిన్ హేమరేజ్, అనేక చర్మరోగాలను దూరం చేస్తాయ‌ని సైన్స్ రుజువు చేసింది.
రుద్రాక్ష‌లో ఉండే మాగ్న‌టిక్ ప‌వ‌ర్ కార‌ణంగా శ‌రీరంలో విద్యుత్ ప్ర‌స‌ర‌ణ జ‌రిగి ర‌క్త సంబంధ వ్యాధులు నివారించ‌బ‌డ‌తాయి. మ‌న‌స్సు, శరీరం మీద ఏక‌కాలం ప్ర‌భావం చూపి ఆరోగ్యంగా ఉండేందుకు రుద్రాక్షలు స‌హ‌క‌రిస్తాయి. అనుకోకుండా కలిగే టెన్ష‌న్ల‌ను కూడా రుద్రాక్షలు దూరం చేస్తాయి. కార‌ణం వీటిలో ఉండే అమ‌రిక, వాటి నిర్మాణ‌మే అని శాస్త్రవేత్తలు తేల్చారు. అందువ‌ల్ల రుద్రాక్షలను ధ‌రించి లాభాలను పొంద‌వ‌చ్చు.
