Deepika Padukone : దీపికా ప‌దుకొనె ప్ర‌ధాన పాత్ర‌లో తాజాగా వ‌చ్చిన చిత్రం.. గెహ్రాయియా. ఈ మూవీ అమెజాన్ ప్రైమ్‌లో ఇటీవ‌లే నేరుగా విడుదలైంది. అయితే ఈ చిత్రం మొద‌ట్నుంచీ పూర్తిగా విమ‌ర్శ‌ల‌ను, నెగెటివిటీని ఎదుర్కొంది. ఇందులో దీపికా త‌న భ‌ర్త‌ను మోసం చేసిన మ‌హిళ‌గా న‌టించింది. పైగా ఒక రేంజ్‌లో గ్లామ‌ర్ షో చేసింది. దీంతో ఈమెపై కూడా తీవ్ర విమ‌ర్శ‌లు, నెగెటివిటీ వచ్చాయి. అయిన‌ప్ప‌టికీ దీపికా ఈ సినిమాలో త‌న పాత్ర‌ను తాను స‌మ‌ర్థించుకుంది. కానీ నిజ జీవితంలో మాత్రం అలా ఉండ‌న‌ని చెప్పింది.
తాజాగా ఓ ఇంట‌ర్వ్యూలో ఆమె మాట్లాడుతూ.. ఎదుటి వాళ్ల రిలేష‌న్‌షిప్ గురించి తాను మాట్లాడ‌బోన‌ని.. అయితే మోసం చేస్తే ఎదుటి వారు క్ష‌మిస్తారా.. లేదా.. అన్న‌ది వారి వ్య‌క్తిత్వంపై ఆధార ప‌డి ఉంటుందని.. కానీ తన‌ను మాత్రం ఎవ‌రైనా మోసం చేస్తే క్ష‌మించేది లేద‌ని స్ప‌ష్టం చేసింది.
ఇక ఒక‌రిపై ఒక‌రికి ఫిజిక‌ల్ అట్రాక్ష‌న్ ఎక్కువ కాలం ఉండ‌ద‌ని, కానీ న‌మ్మ‌కం, గౌర‌వం ఉంటే ఆ రిలేష‌న్ షిప్ నిల‌బ‌డుతుంద‌ని దీపికా తెలియ‌జేసింది. ఇక దీపిక ఈ విధంగా మాట్లాడేందుకు బ‌ల‌మైన కార‌ణాలే ఉన్నాయి. గ‌తంలో ఆమె ఒక వ్య‌క్తిని ప్రేమించి మోస‌పోయింది. అందుక‌నే ఈ విధంగా మాట్లాడింది. త‌రువాత ర‌ణ్‌వీర్ త‌న ప్రేమ‌ను తెలిపినా.. ఈమె యాక్సెప్ట్ చేసేందుకు టైమ్ తీసుకుంది. అయితే నిజ జీవితానికి పూర్తిగా భిన్నంగా దీపికా గెహ్రాయియా సినిమాలో న‌టించ‌డం విశేషం.
