Foxtail Millets Biscuits : చిరు ధాన్యాల్లో కొర్ర‌లు కూడా ఒక‌ట‌న్న విష‌యం అంద‌రికీ తెలిసిందే. కొర్ర‌ల‌ను తిన‌డం వ‌ల్ల మ‌నం ఎన్నో ప్ర‌యోజ‌నాల‌ను పొంద‌వ‌చ్చు. కొర్ర‌ల్లో మ‌న శ‌రీరానికి కావ‌ల్సిన ఎన్నో పోష‌కాలు ఉంటాయి. వీటిని తిన‌డం వ‌ల్ల బ‌రువు త‌గ్గుతారు. షుగ‌ర్ లెవ‌ల్స్ అదుపులో ఉంటాయి. జీర్ణ స‌మ‌స్య‌లు ఉండ‌వు. గుండె ఆరోగ్యంగా ఉంటుంది. ఇలా ఎన్నో లాభాలు మ‌న‌కు కొర్ర‌ల వ‌ల్ల క‌లుగుతాయి. అయితే కొర్ర‌ల‌తో చాలా మంది అన్నం, ఉప్మా వంటివి చేస్తుంటారు. కానీ వీటితో ఎంతో రుచిక‌ర‌మైన బిస్కెట్ల‌ను కూడా త‌యారు చేసుకోవ‌చ్చు. ఇవి కూడా ఎంతో రుచిగా ఉంటాయి. వీటిని త‌యారు చేయ‌డం కూడా సుల‌భ‌మే. ఇంట్లో వీటిని ఎలా త‌యారు చేయాలో ఇప్పుడు తెలుసుకుందాం.
కొర్ర‌ల మ‌సాలా బిస్కెట్ల త‌యారీకి కావ‌ల్సిన ప‌దార్థాలు..
కొర్ర‌లు – 130 గ్రాములు, వెన్న – 50 గ్రాములు, ప‌చ్చిమిర్చి – 12 గ్రాములు, క‌రివేపాకు – 10 గ్రాములు, జీల‌క‌ర్ర – 2 గ్రాములు, ఉప్పు – 2 గ్రాములు.
కొర్ర‌ల మ‌సాలా బిస్కెట్ల‌ను త‌యారు చేసే విధానం..
కొర్ర పిండిలో బేకింగ్ పౌడ‌ర్ వేసి క‌లిపి జ‌ల్లించుకోవాలి. ప‌చ్చిమిర్చి, క‌రివేపాకు, జీల‌క‌ర్ర, ఉప్పు క‌లిపి మెత్త‌గా పొడి చేసుకుని పిండిలో క‌ల‌పాలి. ఇప్పుడు ఒక పాత్ర‌లో వెన్న, పంచ‌దార పొడి వేసి బాగా క‌ల‌పాలి. దీనికి పై మిశ్ర‌మాన్ని క‌లిపి ముద్ద‌గా చేసుకోవాలి. ఆ త‌రువాత చ‌పాతీ క‌ర్ర‌తో 1/8 అంగుళాలుగా రుద్దుకోవాలి. ఆపైన బిస్కెట్ అచ్చుల‌తో క‌ట్ చేసుకుని బేకింగ్ మౌల్డ్స్‌లో పెట్టుకోవాలి. దీన్ని ముందుగా ఓవెన్‌లో 160 డిగ్రీల సెంటీగ్రేడ్ వ‌ద్ద 15 నిమిషాల పాటు వేడి చేసుకున్న త‌రువాత 190 డిగ్రీల సెంటీగ్రేడ్ వ‌ద్ద 25 నిమిషాల పాటు వేడి చేయాలి. దీంతో ఎంతో రుచిక‌ర‌మైన కొర్ర మ‌సాలా బిస్కెట్లు రెడీ అవుతాయి. వీటిని వేడి త‌గ్గ‌గానే తిన‌వ‌చ్చు. ఎంతో టేస్టీగా ఉంటాయి. అంద‌రూ ఇష్టంగా తింటారు.
