మ‌న‌దేశం నుండి ఇత‌ర దేశాలకి వెళ్లాలంటే కొన్ని ల‌క్ష‌లు ఖ‌ర్చు అవుతాయి. ఇక అక్కడ వ్యాపారం చేయాలంటే ఆ దేశాల కరెన్సీలో డబ్బు చెల్లించాల్సి ఉంటుంది. ప్రయాణం దగ్గరి నుంచి వసతి వరకూ ప్రతి సౌకర్యం కూడా ఖర్చుతో కూడుకున్నదే. ఎందుకంటే ఆయా దేశాల్లో రూపాయి విలువ తక్కువగా ఉండడమే ప్ర‌ధాన కార‌ణం. అయితే కొన్ని విదేశాల్లో మాత్రం రూపాయికి చాలా విలువ ఉంటుంది.ఆ ప్ర‌దేశాల‌లో మీరే ధ‌నికులు అన్న భావన క‌లుగుతుంది. భారతీయ రూపాయి కంటే తక్కువ కరెన్సీ విలువ ఉన్న దేశాలు ప్రపంచంలో చాలానే ఉన్నాయి. అవి ఏంటో ఇప్పుడు చూద్దాం. ముందుగా మన రూపాయి ఇండోనేషియాలో 209.88 రూపియాలతో సమానం. ఇక్కడ 1 ఇండొనేషియన్ రూపాయ్ 0.0048 ఇండియన్ రూపీస్ తో సమానం. కాబట్టి భారతీయ పర్యాటకులకు ఇండోనేషియాలో లగ్జరీ తక్కువ ధరలోనే లభిస్తుంది
అద్భుతమైన పర్యాటక దేశమైన ఐస్ ల్యాండ్ భారతీయులకు నిజంగా ఎంతో చవకైన పర్యాటక గమ్యస్థానం. ఇక్కడ భారతీయ రూపాయి విలువ 1.56 ఐస్ ల్యాండిక్ క్రోనాలతో సమానం. మధ్య యూరప్ లో ఉండే హంగరీ దేశం ప్రశాంతమైన సాయంత్రపు అనుభవాలను అందిస్తుంది. ఇక్కడ భారతీయ రూపాయి విలువ 4.12 హంగేరియన్ ఫోరింట్స్ తో సమానం. అందంగా వికసించే చెర్రీ చెట్ల మధ్య జపనీస్ ప్రకృతి దృశ్యాలు ఎంతో ఆకర్షణీయంగా ఉంటాయి. రూపాయి విలువ జపాన్ లో బాగా పెరిగింది. ఇప్పుడు అక్కడ ఒక్క రూపాయి 1.60 జపనీస్ యెన్స్ లతో సమానం. ప్రపంచవ్యాప్త సాహసికులకు ఇది ఓ కలల గమ్యస్థానం మంగోలియా. అక్క‌డి సంస్కృతులు ఫోటోగ్రఫీ ప్రియులకు అనేక అరుదైన, అద్భుతమైన దృశ్యాలను అందిస్తాయి. ఇక్కడ రూపాయి విలువ 35.5 మంగోలియన్ టగ్రిక్స్ తో సమానం.
కోస్టారికాలో భారతీయ రూపాయి విలువ 8.26 కోస్టారికన్ కొలోన్ తో సమానం. కాబట్టి ఇక్కడ మీరు ఓ విలాసంవతమైన పర్యటనను పూర్తి చేయవచ్చు. భారతదేశం నుంచి వెళ్లదగ్గ చవకైన పర్యాటక గమ్యస్థానాల్లో వియత్నాం ఒకటి. ఈ దేశంలో భారతీయ రూపాయి 334.68 వియత్నమీస్ డాంగ్ లతో సమానం. ఇది మీకు ఆ దేశంలో ఉన్నట్టుండి ధనికులైన భావనను కలిగిస్తుంది. శ్రీలంక కంటే కేరళ పర్యటన ఎంతో ఖర్చుతో కూడుకున్నదని శ్రీలంక వెళ్లిన చాలా మంది చెబుతుంటారు. శ్రీలంకలో భారతీయ రూపాయి విలువ సులభంగా రెట్టింపు ఉంటుంది. అక్కడ 1 భారతీయ రూపాయి 2.30 శ్రీలంకన్ రుపీలతో సమానం. అద్భుతమైన ప్రాచీన శిల్ప కళకు అద్దం పట్టే కంబోడియా. కంబోడియాలో 1 భారతీయ రూపాయి 60 కంబోడియన్ రీల్స్ తో సమానం. భారత దేశానికి పొరుగు దేశమైన నేపాల్ లో 1 భారతీయ రూపాయి విలువ 1.60 నేపాలీస్ రూపాయలతో సమానం. ఖాట్మండు, పోఖర నగరాల్లో కరెన్సీ మార్పిడి చేసుకునే అవకాశం ఉంటుంది.
