Prabhas : ప్ర‌స్తుతం ఇప్పుడు ఎక్క‌డ చూసినా ప్రభాస్ నామ‌స్మ‌ర‌ణ జ‌రుగుతోంది. ఆయ‌న న‌టించిన రాధేశ్యామ్ సినిమా ఈ నెల 11వ తేదీన ప్ర‌పంచ‌వ్యాప్తంగా విడుద‌ల కానుంది. దీంతో ఎక్క‌డ చూసినా ప్రభాస్ మేనియా స్ప‌ష్టంగా క‌నిపిస్తోంది. ఈ క్ర‌మంలోనే ప్ర‌భాస్‌కు చెందిన వార్త‌లు సోష‌ల్ మీడియాలో వైర‌ల్ అవుతున్నాయి. ఆయ‌న రాధే శ్యామ్ సినిమా ప్ర‌మోష‌న్ల‌లోనూ చురుగ్గా పాల్గొంటున్నారు. మీడియా సంస్థ‌ల‌కు ఇంట‌ర్వ్యూలు ఇస్తున్నారు. అయితే ఎక్క‌డికి వెళ్లినా.. అంద‌రూ అడుగుతున్న కామ‌న్ ప్ర‌శ్న ఒక్క‌టే. అది.. ప్రభాస్ పెళ్లి ఎప్పుడు చేసుకుంటారు ? అని..! దీనిపై ఆయ‌న పెద్ద‌మ్మ శ్యామ‌ల దేవి క్లారిటీ ఇచ్చేశారు కూడా.
ప్రభాస్, అనుష్క‌ల పెళ్లి విష‌యంపై వ‌స్తున్న వార్త‌ల‌ను ఆమె కొట్టి పారేశారు. ప్రభాస్ ఏ అమ్మాయిని చూపిస్తే ఆమెకు అత‌న్ని ఇచ్చి పెళ్లి జ‌రిపిస్తామ‌ని.. అందులో త‌మ‌కు ఎలాంటి అభ్యంత‌రాలు లేవ‌ని.. ఆమె కుండ బ‌ద్ద‌లు కొట్టేశారు. దీంతో ఇప్పుడు బంతి మ‌ళ్లీ ప్రభాస్ కోర్టులోకే వ‌చ్చేసింది. ఈ క్ర‌మంలోనే ఆయ‌న పెళ్లి ఎప్పుడు చేసుకుంటారు ? ఎవ‌రిని చేసుకుంటారు ? అనే వార్త‌లు రోజూ వైర‌ల్ అవుతున్నాయి.
ఇక ప్రభాస్ పెళ్లి విష‌య‌మై వినోద్ కుమార్ అనే జ్యోతిష్యుడు సంచ‌ల‌న కామెంట్లు చేశారు. ప్రభాస్ పెళ్లి అక్టోబ‌ర్ 2022 నుంచి అక్టోబ‌ర్ 2023 మ‌ధ్య‌లో జ‌రిగే అవ‌కాశాలు పుష్క‌లంగా ఉన్నాయ‌ని అన్నారు. త‌న జ్యోతిష్యం క‌చ్చితంగా నిజం అవుతుంద‌ని తెలిపారు. అంటే.. మ‌రో ఏడాది లేదా ఏడాదిన్న‌ర‌లోగా ఆయ‌న పెళ్లి జ‌రుగుతుంద‌ని తెలుస్తోంది. మ‌రి ఆయ‌న‌కు న‌చ్చిన వ‌ధువు ఎక్క‌డ ఉందో.. అస‌లు ఆయ‌న‌కు పెళ్లి అవుతుందో.. కాదో.. చూడాలి.
