Rashmika Mandanna : సినీ ఇండ‌స్ట్రీలో ప్ర‌స్తుతం ర‌ష్మిక మందన్నకు ఫుల్ డిమాండ్ ఏర్ప‌డింద‌ని చెప్ప‌వ‌చ్చు. ఈమె న‌టించిన పుష్ప సినిమా పాన్ ఇండియా స్థాయిలో రిలీజ్ కావ‌డంతో ఈమె ద‌శ ఒక్క‌సారిగా తిరిగిపోయింది. దీంతో ఈమెకు బాలీవుడ్ లో అనేక ఆఫ‌ర్లు వ‌స్తున్నాయి. ఇప్ప‌టికే ఈమె ప‌లు హిందీ సినిమాల్లో న‌టిస్తుండ‌గా.. త్వ‌ర‌లో మ‌రో హిందీ మూవీలోనూ న‌టించ‌నున్న‌ట్లు తెలిసింది. ఈమె ఓ ప్ర‌ముఖ హీరో సినిమాలో ఐట‌మ్ సాంగ్ చేయ‌నున్న‌ట్లు వార్త‌లు వ‌స్తున్నాయి. ఈ క్ర‌మంలోనే ఈ వార్త వైర‌ల్ అవుతోంది.
అర్జున్ రెడ్డి ఫేమ్ సందీప్ వంగా బాలీవుడ్ న‌టుడు ర‌ణ్‌బీర్ క‌పూర్‌తో క‌లిసి యానిమ‌ల్ అనే సినిమాను తెర‌కెక్కిస్తున్న విష‌యం విదిత‌మే. అయితే ఇందులో ఐట‌మ్ సాంగ్ చేసేందుకు ఆ చిత్ర యూనిట్ ర‌ష్మిక మంద‌న్న‌ను సంప్ర‌దించింద‌ట. ఈ క్ర‌మంలోనే ఆమె ఈ సాంగ్‌కు ఓకే చెప్పాల్సి ఉంది. అన్నీ కుదిరితే ఈమె ఆ సినిమాలో ఐట‌మ్ సాంగ్ చేస్తుంద‌ని అంటున్నారు. స‌మంత హీరోయిన్‌గా ఉండ‌గానే పుష్ప సినిమాలో ఐట‌మ్ సాంగ్ చేసి మంచి పేరు తెచ్చుకుంది. ఇక ఇదే కోవ‌లో ర‌ష్మిక మంద‌న్న కూడా టాప్ హీరోయిన్‌గా ఉంది క‌నుక ఆమె ఐట‌మ్ సాంగ్ చేస్తే ఆమెకు పేరు రావ‌డం మాత్ర‌మే కాకుండా.. సినిమాకు మంచి ఊపు వ‌స్తుంద‌ని అనుకుంటున్నార‌ట. అందుక‌నే ఆమె ఆ సాంగ్ కోసం సంప్ర‌దించిన‌ట్లు తెలుస్తోంది. అయితే దీనికి ర‌ష్మిక ఓకే అంటే త్వ‌ర‌లోనే ఈ విష‌యాన్ని అధికారికంగా ప్ర‌క‌టించే అవ‌కాశం ఉంది.
ఇక ర‌ష్మిక మంద‌న్న ఇత‌ర సినిమాల విష‌యానికి వ‌స్తే.. ఆమె బాలీవుడ్‌లో సిద్ధార్థ మ‌ల్హోత్రాతో క‌లిసి మిష‌న్ మ‌జ్ను అనే మూవీలో న‌టించింది. ఈ సినిమా షూటింగ్ కంప్లీట్ చేసుకోగా.. ప్ర‌స్తుతం పోస్ట్ ప్రొడ‌క్ష‌న్ ప‌నుల‌ను జ‌రుపుకుంటోంది. త్వ‌ర‌లో విడుద‌ల కానుంది. ఇక దీంతోపాటు గుడ్‌బై అనే మ‌రో హిందీ మూవీలోనూ ర‌ష్మిక న‌టిస్తోంది. ఇందులో అమితాబ్ ఓ కీల‌క‌పాత్ర‌ను పోషిస్తున్నారు. దీంతోపాటు పుష్ప 2 మూవీలోనూ ర‌ష్మిక త్వ‌ర‌లో యాక్ట్ చేయ‌నుంది. ఇలా వ‌రుస సినిమాల‌తో ఈమె ఎంతో బిజీగా ఉంద‌ని చెప్ప‌వ‌చ్చు.
