Sarkaru Vaari Paata : సూప‌ర్ స్టార్ మ‌హేష్ బాబు, కీర్తి సురేష్ హీరో హీరోయిన్లుగా న‌టిస్తున్న చిత్రం.. సర్కారు వారి పాట. ఈ సినిమా ఇప్ప‌టికే విడుద‌ల కావ‌ల్సి ఉండ‌గా.. ప‌లు కార‌ణాల వ‌ల్ల వాయిదా ప‌డుతూ వ‌స్తోంది. ఇక ఈ సినిమాను మే 12వ తేదీన విడుద‌ల చేయాల‌ని నిర్ణ‌యించారు. ఈ క్ర‌మంలోనే ఈ సినిమాలోంచి ఇటీవ‌లే క‌ళావ‌తి అనే సాంగ్‌ను రిలీజ్ చేయ‌గా.. ఈ పాట ఎంతో మందిని విప‌రీతంగా ఆక‌ట్టుకుంటోంది. దీనికి చాలా మంది స్టెప్పులు వేస్తూ ఎంజాయ్ చేశారు. కాగా ఈ మూవీ లోంచి రెండో పాట‌ను తాజాగా విడుద‌ల చేశారు.
సర్కారు వారి పాట నుంచి పెన్నీ అనే సాంగ్‌ను తాజాగా లాంచ్ చేశారు. ఇందులో మ‌హేష్ బాబు కుమార్తె సితార న‌టించింది. ఈ సాంగ్‌కు చెందిన ప్రోమోలోనూ సితార డ్యాన్స్ చేసి అల‌రించింది. అయితే పూర్తి సాంగ్‌లోనూ ఆమె ఉంటుంద‌ని ఊహించారు. అనుకున్న‌ట్లుగానే ఆమె ఈ పాట‌లో న‌టించింది. ఈ క్ర‌మంలోనే ఈ పాట‌కు చెందిన వీడియోను కొంత సేప‌టి క్రిత‌మే విడుద‌ల చేయ‌గా.. ఈ పాట యూట్యూబ్‌లో ప్ర‌స్తుతం ట్రెండ్ అవుతోంది.
ఇక సర్కారు వారి పాట సినిమాకు ప‌ర‌శురామ్ ద‌ర్శక‌త్వం వ‌హిస్తుండ‌గా.. థ‌మ‌న్ సంగీతం అందిస్తున్నారు. ఈ చిత్రాన్ని మైత్రీ మూవీ మేక‌ర్స్‌, 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్ సంస్థ‌లు సంయుక్తంగా నిర్మిస్తున్నాయి.
